Jowai : Ki wakhwe dakha ha Chnongpdeng ynnin ka 31 tarik wa ynne ka 1 tarik da yoh ki ya ar tylli ki Dakha Khla ki wa tip hei ktien phareng kam ki Goonch Catfish.

Ya ka wa nyngkong da yoh ynnin ka 31 tarik heipor 5 waje i janmiet ka wa khia kamwa 45 kilo tam katwa ya ka wa ar won da yoh ynne ka 1 tarik heipor 12:30 i sngi ka wa em i khia 50 kilo tam.

Advertisement ad1

dakha-khla-2

Ya kini ki dakha da tan ya ki cha rood wah da ki 8 ngut ki wakhwe dakha kani ka chnong.

dakha-khla-1

Ka Chnnongpdeng man ko ka thaw wa ka-it bha ym du kiwa yuiñ sawari kamjooh man ko ka thaw wa dang boon dakha bha wei ki bru na kylleiñ ki chnong wa na jan na jngai da wan khwe ki ha Wah Mynngot wa em harood kani ka chnong.

Katkam wa man katni hapoh Ri-Loom Jaintia boon ki wah wa ym em dakha de kiwa wa kylla bih lut. Ka Wah Mynngot da man su ka donhi ka wa dang boon dakha wei wa boon ki wa im ja na i khwe dakha na ka.

 

 

Share this:
Share on Facebook0Tweet about this on TwitterGoogle+0
Advertisement ad1