Advertisement ad1

Shillong : 10 ngut ki ki bru wa em yei sap u chna wei pynwandur ya ki siej ki chken kamjooh leh u pynlai yaw ya ki (Cane and Bamboo Handicraft Entrepreneurs) na Ri-loom Jaintia, Khasi wa Garo da mih na Shillong ynne ka sngi yow li chimbynta ha ka Kerala Bamboo Fest, 2015.

Ya kani ka lympung Bamboo Fest da pynman da ka Kerala State Bamboo Mission ka sorkar Kerela nadooh ka 4 tarik hadooh 8 tarik uni u bnai ha Marine Drive, Kochi.

I thmu kani ka Bamboo Fest toh yow pynchlur ya kiwa chimbynta yow pynbha pynmiat chooh chooh ki ya ki sap wa ki da em chwa ki deiwa yoh sikai na ki bru wa da chemphang ha kani ka liang. Ini leh man i kam kawi ka liang yow pynwandur ya ka prokram Make in India.

Da yakrehlang leh ka sorkar jylla wa ki skur sayan wa pawnam ka ri kitæ toh ki IIT. Hei yatoh wei rukom chna wei wow pyllai yaw ya kini ki mar ka jylla Meghalaya daw kreh lang ko wa ka IIT Guwahati ka wow esikai ya ki bru yong ka jylla wow chna pynwandur ‘Symmetrical Mounds’, e-marketing strategy lane ki buit wa kamon u pynemkaam ya ka internet yow pynlai yaw ya ki mar.

Ha Jowai daw pynman ya kani ka esikai da ka IIT Guwahati nadooh ka 10 hadooh 12 tarik uni u bnai. Ya i thaw daw pyntip hadien kattu katni sngi.

Share this:
Share on Facebook0Tweet about this on TwitterGoogle+0
Advertisement ad1