Advertisement ad1

Jowai: Yow pynsuk ya ki paidbah heipor wa yaleh License yah kari ki ka Registration wa kiwi ki kot ki sla wa emkaam hei yatoh wa ki kot kari, ynne ka sngi u Montri wa pait ya ka tnat Transport u HDR Lyngdoh da wai u ya ka Vahan 4.0 wa ka Sarathi 4.0 ha Bosco Pnar, Jowai.

Kini da tip leh ya ki kam ki Online Application ki wow yarap ya paidbah wow yaleh ki ya ki kot ki sla yong ki lyngba ki Smartphone wa ki Computer deiwa pynemkaam ya ka Internet.

Advertisement ad1

Da pyntip wa man ko kawa suk bha u pynemkaam neibhah haap pyndap du i pyrtuid, i thaw sah wa u Chasis number ka kari katwa kiwi tawon kam i khia, i jrong, i dor kari toh wada em chwa ha kini ki Application wei ki paidbah emkaam ki du wow jied ya ka jait kari wa thied ki wei ye u su Online yeini waroh.

Hei yatoh wa ki License won haap hi u lai cha ki yungkrehkaam ki DTO wow chondur.

Kani daw yarap ko leh wow duna yei lut i sep ki yungkrehkaam ki DTO wei ym emkaam de ya ki Computer Engineer wow leh ya kini ki kaam wei wow booh ya ki ha ki jar jiar ki Server heiwa da em uwi donhi u Server wow booh ya ki Application ki paidbah wei lada jia kam ha Jowai wa iñ ki tiar Computer, waroh iwa emkaam ym dooh de ya ki neibhah u Server ym em u ha ki yungkrehkaam ki DTO wei ym dooh leh ya waroh kiwa emkaam ki kot ki sla wa da dep pynkhreh.

Ki paidbah wa kwah u leh ya ini ye ki u lai ha https://parivahan.gov.in/vahan/

Share this:
Share on Facebook0Tweet about this on TwitterGoogle+0
Advertisement ad1