Shillong: U montri rangbah ka jylla, u Conrad Sangma ynnin da ong u wa ka sorkar thooh ko ki laad ki luti wow kyntu kynrong ya ka kaam yalehke sports hapoh ka jylla.
Yeini da ong u ha ka sngi wa pynkut ya ka 15th Senior State Swimming Competition wa pynman da ka Meghalaya Swimming Association chirup wa ka Directorate of Sports and Youth Affairs ha Crinoline Swimming Pool, Nongmalki Shillong.
Da yaroh u leh ya ki khynnah kiwa yimpa wei da ong u wa ka sorkar yaleh ko wow pynku ya ka kaam yimpa. “Ka sorkar tip ko yei eh i khoo ha ka kaam yalehke (Sports) wei da leh yeiwa emkaam wow pynku pynmiat ya kani ka bynta,” da ong u.
Da pyntip u leh wa ka jylla daw yoh ko ya ka thaw yimpa wa heh kat ka yong ka Olympics wei yeini da leh deiwa yakreh wa ka Ministry of Social Justice and Empowerment, Government of India.
Da yaroh u leh ya ki seiñ yalehke Sports wei ka sorkar yaleh ko katwa ye wow yarap ya ki.
Chooh chooh da pyntip u wa ka jylla da pynku ko ya ka song poisa cha kiwa jop ha ki lympung waphær waphær heiwa kiwa yoh Gold Medal ha ki National Championships da pynku T. 2 lak na ka T. 7,000 katwa ha ka Olympic won T. 75 lak na ka jylla.
Discussion about this post