Deiwa pyrkhat yei dooh nong ki wakreh wa haap hapoh ka Building and other Construction Worker kiwa da em pyrtuid wa u Commissioner ka chnat Labour, ka chnat da mynjur ko wow su T. 1000 uwi u wakreh chi tayaw kam ka nong sngi ha kini ki por wa khang yaka jylla kamjooh ki dukan wa ki thaw wa em ka khayi pateiñ.
Kani ka hukum toh neibynta ka 23rd March, 2020 hadooh ka 29th March, 2020 wei daw pyrkhat biang yaka haka 30th March, 2020.
I pyntip naka Meghalaya Building and Other Construction Workers Welfare Board, Shillong lyngba u DP Wahlang, Principal Secretary to the Govt of Meghalaya, Labour etc, Department.
Da pyntip u leh wa ha kam kini ki por wa da yaleh pyrchah nei poor u COVID-19, kamtæ ha waroh ki thaw kreh lada yong ka sorkar kamjooh yong ki bru samen, ym toh wow beh kreh næ pynbor wow dam kreh khlem da su tulop namo ka nong sngi. Lada em kiwa chim chuti, toh u kheiñ wa wankreh hi ki wei ym toh u khate yaka nong sngi.
Lada man i thaw kreh toh iwa khang neidaw u COVID-19 ya ki wakreh toh u kheiñ wa wankreh hi ki.
Ki tre ym toh u pynchitom ki ya ki wakreh ki ha kam kini ki por wa da ktah chwa yaka yoh ka kot.
Discussion about this post