Jowai: Ki paidbah wa chong chnong ka Pamrakmai da mih paidbah ki haka 15 tarik uni u bnai wow pynman ya ka pynkhooid chnong hapoh i yahkhmat u Waheh Chnong yong ka u Lukas M Shylla wa u Iaikiewbha Rymbai, General Secretary ka chnong.

Ya ini i pynkhooid chnong da leh ar sien chi snem chwa wow poi ka lehniam Behdieñkhlam ka Raij Tuber, wa ha u Kmaichonglad chwa ka Christmas.

Advertisement ad1

Kamtæ ha kani ka kynti wow wanrah yei yirngam ha poh chnong wei i khooid i jngiar ha kani ka sngi waroh ki khon ka chnong da mih yonglang ki wow pynkhooid ya ka luti syngkieñ wei wow chna pynmiat ya ki sarok.

U Shylla da pyntip u wa yei wow chna sarok da lai ki langær cha u Executive Engineer PWD(R) NEC Division Khliehriat,wa cha u MLA ka thaiñ u Justine Dkhar, tangwa ka jubab wa yoh toh wym em scheme.

Da kyrpaad leh ya ka sorkar kamjooh ya u MLA ka thaiñ wow thooh laad wow pynyoh ya ki scheme wow chna pynmiat ya uni u sarok ka chnong neibhah u sarok da man u uwa sih bha.

Heijooh i por da ekhublei Behdieñkhlam u leh neiliang ka Dorbar Chnong Pamrakmai ya waroh ki khon ka Raij Tuber.

 

Share this:
Share on Facebook0Tweet about this on TwitterGoogle+0
Advertisement ad1