15 49.0138 8.38624 1 1 4000 1 http://wyrta.com 300

Baam smai u Marcuise kam u dkhot ka Yung Dorbar chna aiñ ka jylla

0 Comments

Shillong: U MLA wa thymme ka Williamnagar, u Marcuise N. Marak, ynne ka sngi da baam smai kam uwi na ki 60 ngut ki dkhot ka yung dorbar chna aiñ ka jylla.

Ya u Marak da pynsmai da u symbood Lamphang ka Yung Dorbar chna aiñ, u Timothy D Shira ha kamra krehkaam yong oo ha Yung Dorbar warim ka jylla, kawa em ha Khynde Lad, Shillong.

U Marak toh u MLA wa 20 ka party NPP kawa yahkhmat ya ka sorkar ha ka jylla, wei da jop u deiwa pynrem ya u kyrtong samen, u Sengbath Marak uwa wan wa ar wei ya ka MLA warim na ka Congress, ka Deborah C Marak kawa da wan wa le.

Ha kani ka yalang pynsmai ya u MLA wa thymme ka Williamnagar, da emlang leh u Montri Rangbah ka jylla, u Conrad K Sangma, u Montri kaam pohyung, u James K Sangma, u symbood Montri Rangbah, u Prestone Tynsong ryngkat kiwa kyrchaan ka party.

Hawa klam hadien i baam smai, neiliang u Conrad da e khublei u ya ki paidbah ka Williamnagar wa da chaniah ki ya u kyrtong ka NPP wei kamjooh ya ka sorkar MDA wa da yahkhmat da ka NPP.

Advertisement ad1

10 tarik uni u bnai u pynbna ka MBoSE ya ka re....

Previous

Dawa ka KSU-WJC wow kem noh ya u Waheh Chnong ....

Next

0 Comments

Leave a Reply