Jowai: Ka West Jaintia District Sport Association (WJDSA), ynnin ka sngi da e khublei pynehbok pyneh nasib ko ia ki 5 ngut ki khynnah kiwa lai mihkhmat naka West Jaintia Hills District, kiwa daw iachim bynta haka ialehke sport iong ka ri India  kawa tip kam ka National Inter-District Junior Athletics Meet ha Vishakhapatnam, Andhra Pradesh.

Kini ki khynnah wa da chah jied kynthup ia u Samanlangki Lamare uwa na Iawmusiang uwa daw chim wynta haka iaphet 100mtrs, u Stephan Siangbood na Tpep Pale u wow chim bynta  haka 200mtrs. Arngut won wa kynthup ia u Iookima Paswet wa u Armanki Bareh kiwa na Dulong daw chim bynta ki ha ka 400 mtrs, katwa u Wanbiang Pulang uwa na ka chnong Nongjngi wan daw chim bynta u ha ka High jump.

Kini ki khynnah u mih ki napoh ka District myntu ka sngi deilang i synranlang u manager u ma Hubert Shylla wa u coach u ma Edelweiss Dkhar. Ka ialehke sport ka National Inter-District Junior Athletics Meet ha Vishakhapatnam u sdang ko naduh ka 5 tarik haduh ka 7 traik uni u bnai.

U working President ka WJDSA u ma E.M.H. Passah ong u katwan man i kiwa embhah, neibhah kani toh ka sien nyngkong wa chah jied ka district u li chim bynta chadooh ka kyrdan National wa heijuh i por toh ka district wa nyngkong napoh ka jylla wa chah jied u iachim bynta. Dang nachwa yow cha jied toh u jop chwa nadooh ki kyrdan district neitae hap iakhun sa ka kyrdan jylla yow ioh u lai chadooh ka kyrdan National.

Ki 5 ngut kiwa chah jied

Kamtae da kyntu u ia kini ki khynnah yow man ki kiwa em akor wei wa biangpor khamtam ha i lailuti iong ki ha kini ki sngi wa daw wan, kyrmen u leh kam ki wa lai chimbynta wa nyngkong daw wanrah ki leh ia i nam jop.

Kiwi wan kiwa em ha kani ka yalang kiwa e mynsien pynchlur ia kini ki khynnah toh u general secretary u ma Lamat-oo-Laloo wa u treasury secretary u ma Junemon Paswet wa kiwi kiwi.

Share this:
Share on Facebook0Tweet about this on TwitterGoogle+0
Advertisement ad1