15 49.0138 8.38624 1 0 4000 1 https://wyrta.com 300 0

Chah maham ki dkhot ka RBYO hadien wa ujor pyrchah ya ki truck wa suba kit mooyong tooh

0 Comments
Advertisement ad1

Shillong: Ki dkhot ka Ri-Bhoi Youth Organisation (RBYO) da haap yut rieh ki hadien wa da ujor ki ya ki 93 tylli ki truck wa da suba joor wa kit mooyong tooh kiwa lai lyngba ka sarok Shillong By-pass ha ka thaaiñ Umroi, Ri-Bhoi District.

U General Secretary ka RBYO, u Kronding Nongbsap da ong u wa i em ki truck ha waroh arliang ka sarok by-pass wa wanrah ya i wym chngaaiñ ha ka thaaiñ neibhah kini ki truck mih ki du heipor miet wei ym elaad ki ya kiwi ki kari wow lai cha CHC ha Bhoirymbong wei da suba joor leh wa toh ki truck kit mooyong tooh. 

Da ong u leh wa hadien wa ujor ki paidbah, ka seiñ da lai ko cha kini ki thaw heiwa da chem wa em da ki spah tylli ki truck ha ki thaaiñ Umroi khlem nood wow lai cha ka thaaiñ Nongtraw.

Chooh chooh da ong u wa da yoh ki wow riñ video ya kini ki truck wei da chim leh ya ki number yong ki kiwa em hadooh 93 tylli du ha ka thaaiñ Umroi, wei hadien ini da lai ujor ki ha thanat wa em ha Umroi. Da sñiawphylla ki leh wa ki pulit ym mano ki ya kani ka ujor.

U Nongbsap da pyntip u wa wa em kattu katni ngut ki bru wa tipmit u kiwa da phah pyndam noh ya ka ujor deiwa maham leh wa lada ym pyndam ki i mynsien yong ki em i hei ma.  

Neiliang ka seiñ da lai paan yada ko na ki pulit tangwa ka jubab wa yoh ki na u pulit wa pait ya ka PIC ha Umroi da ong u wa ymphær neibhah kitæ kiwi leh daw ujor kylla ki.

Da ong u wa ini i leh pulit pynyoo i wa ki pulit leh emkti ki ha kani ka kaam. 

0 Comments

Leave a Reply