Advertisement ad1

Shillong : Ha ka sngi nyngkong yong uni u snem ka wi ka khynnah kynthai wa dang 17 snem na Mawryngkhneng da chah slaitbor ko ha ki 6 ngut ki chynrang heipor 8:30-9:00 waje i miet katwa dang liwan ko cha yung hadien wa wan ko na ki wa hayung ko.

Kini ki 6 ngut da tip pyrtuid kam u Sanlang Kharlukhi, Rimon Surong, Requester Mukhim (u diah yong u Waheh Chnong), u Shan Dkhar (Diver u Waheh Chnong), u Sanbhalang Mawthoh wa u Balumlang Rynjah hadien wa slaitbor ki ya kani ka khynnah da pyrchang ki leh u tynap ka tangwa ym em ye ki.

Advertisement ad1

Kiwa ha yung yong kani ka khynnah da pyntip ki cha u Sordar ka Mawryngkhneng ha ka sngi wa bood deiwa chaniah ki ha oo wow e kti u ya kiwa emkti cha ki pulit tangwa u Sordar won ha khmat yong u Waheh Chnong won da pyrchang u wow pynyasuk ya waroh wei da pyrchang u yeini hadooh ar sngi.

Kiwa ha yung kani ka khynnah da booh ki da ka ujor ynne ka sngi deiwa yarap lang kiwa em yatoh wei ynnin ka 3 tarik hei janmiet da pyntip ki dei ktien cha ki pulit wei da sylli (Medical Examination) leh da ki doctor ka Mawryngkhneng PHC ya kani ka khynnah ynnin i janmiet.

Hei yatoh wa ini i kaam ka CSWO da beiñ joor ko wei da dawa ko wow kem noh ya kiwa emkti wei wow kyntait yei paan jamin kiwa em kti kamjooh wow yada ya kiwa ha yung ha sem yong kani ka khynnah.

Share this:
Share on Facebook0Tweet about this on TwitterGoogle+0