Jowai : Katkam ka khubor na ki pulit da ong wa ka Dail Ryngkhlem na ka chnong Lapangap da file FIR ko heiwa da kynnoh ko wa le ngut ki bru kiwa kynthup ïa u Smell Dkhar, u Kodrian Sumer wa u Ret Shylla  da tynyap ki ïa u kurim yong ka u Shamli Dkhar ha ka 16 Naichiphaw heipor kamwa 11 waje i miet ha  Pynthorsiejwah.

Chem ïa u bru wa yaplær ha Soomer
Jowai: Ha kani ka sngi Bibar wa dep ka 18 tarik da chem ïa uwi u bru wa ymtip yongbru najan ka thaw sait kari kawa em hajan u surok bye-pass uwa dang thymme. Katkam ka khubor wa da yoh na ki pulit ka Jowai Police Station da ong wa ïa uni u bru da chem wa thiah khlem yongbru da ki bru kiwa da kit ïa oo cha Civil Hospital, tangwa da khlad noh u pyn ha hospital. I rta yong uni u bru da antad wa em u kamwa 50 snem, jrong u kamwa 5 phut 4 inchi wei sap u da ka miej rong lieh wa ka T-Shirt rong bneiñ, wei slieñ u da ka that rong thohsaru bneiñ weiwa ye u, u man u dkhar. hadooh ynne ka sngi ym pu em kiwa wan kam ïa uni u bru.

Chah tooh kawi ka Bolero
Jowai: Da chah tooh kawi ka kari Bolero Pick-up rong lieh yong u ma Biem Shadap na ka chnong Thadmuthlong, ha ka 20 Naichiphaw kani ka kari em ko ïa u nombar ML-04B-6174, ka Engine no. GH1B17548 wa ka chasis No. MA1ZC4GHKD1B22579.

 

Share this:
Share on Facebook0Tweet about this on TwitterGoogle+0
Advertisement ad1