Advertisement ad1

Jowai: Ka Moolamylliang Biodiversity Committee (MBMC) kawa man kawi na ki tnat krehkaam ka Dorbar Chnong kawa pait yei bha i miat ka bei rymaw da rai ko wow pynneh pynsah wow ri u sumaar wei wow yada ya ki khloo ki kjam, ki sim ki doh, ki mrad ki mreng ki phlang ki kynbat wa ki loom ki wah.

Ka MBMC da rai ko wow maham leh ya kiwon kiwon ki bru neini cha khmat wa ym chah de u pom khiar ya ki khloo, u siat ya ki sim wa ya ki mrad khloo kamjooh wow tih pathar ya ki maar poh khyndaw neibhah man ko pyrchah ya ka aiñ Biological Diversity Act 2002.

2ndpara desktop
Advertisement ad1

Ka chnong Moolamylliang da em ko ki khloo ki wah yong kiwa miat wei wa da ri sumaar ya ki nadooh na chwa kam ka Wah Kwai kawa mih na Khloo Kwai kawa lai lyngba na Kordawin, Moopun, Shka Kwai, Wah Saphai, Thawi Prut hadooh ka Wah Kaidum wei waroh chi lynter da em ki khloo wa rben wa ri da sumaar da ka chnong hadooh katni.

Ka Wah Kwai toh kawa kongsan dooh neibhah ka pynbiang um ko cha ki lyngkha ki pynthor wei ka tnat Irrigation leh da tipmit ko yeini.

Tangwa hei lai i por wei da ku leh i nang i stat u bru da sdang won dei tih ya ki maar poh khyndaw wei da pynsih ya kani ka wah kamjooh leh da sdang dooh ya ki khloo ki kjam wa kiwa im hapoh yong ki.

Ka MBMC kam wow pynkrehkaam ya ki aiñ wa i rai ka Dorbar Chnong u khang noh ko ya waroh ini i leh beiñ ya ka bei rymaw wa waroh wa em hapoh yong ka wei waroh man ki kiwa emkaam wei kam ki bru toh u bah khlieh wow yada yeiwa ka e ko ya i.

Kani toh katkam ka khubor wa phah da u D.L. Rymbai, Chairman MBMC

Share this:
Share on Facebook0Tweet about this on TwitterGoogle+0
Advertisement ad1