6 ngut ki bru wa kynthup ya 3 ngut kiwa na ka jooh ka yung da dooh ki yei mynsien wei boon ngut ki bru da mynsoo ki ha ka jylla Uttarakhand iwa da jia nei joor u slap hadooh wa da oor ki yung ki sem wei da heh um boon ki wah wa em ha kani ka jylla.
Uni u slap toh uwa da joor nadooh ynnin ka sngi heiwa ha Devchauli, Chamoli District kawi ka manbei deilang wa i khon ko da wiar ki nadooh ynnin i janmiet hadien wa oor iwi i yung.
Kamwa 12 tylli ki kari won wa pynyieñ harood ka wah Sukhi ha Haridwar da chah rah ki ynnin i janmiet.
Da em leh kamwa 200 ngut ki bru wa da sahkut ha u sarok wa lai cha Kedarnath, neitæ ha chnong Bharpur wa em ha thaaiñ Bahadarabad ha Haridwar District, da em 3 ngut kiwa yap wa boon kiwa mynsoo hadien wa oor i yung.
Ki le ngut kiwa chi yung wa da yap toh u Bhanu Prasad (50 snem), ka kurim u ka Neelam Devi (45 snem) wa u khon ki, u Vipin (28 snem) kiwa da chah ban hei khyndaw i ktieh ha chnong ki ha Jakhanyali, Tehri District. Ya u Vipin da yoh wow sai oo tangwa da khlaad u hapoh ka thaw sumaar.
Ha Kharkhari ka Truck wa kit marbaam ya kiwa lai leh niam da chah rah ko ha ka um ynnin ka sngi tangwa da embhah ym em bru hapoh ka Truck heipor wa jia ini.
Kiwa boon ki sarok ha thaaiñ Haridwar, Bhupatwala, Naya Haridwar, Kankhal wa Jwalapur da chlai um ki.
Iwi yung wa da oor neidaw wa joor slap toh ha chnong Talla wei da em leh 3 tylli kiwi kiwa da chah ktah.
![](https://i0.wp.com/wyrta.com/wp-content/uploads/2024/08/sahdsjfgr1.jpg?resize=960%2C432&ssl=1)
Discussion about this post