15 49.0138 8.38624 1 1 4000 1 http://wyrta.com 300

Chongchit i pynemwarom Seng Kut Snem ka Seng Khasi
Da seiñ ya ka Seng Khasi nadooh u snem 1899

0 Comments

Shillong : Ka Seng Kut Snem man ko kawi na ki sngi pynemwarom ka  Seng Khasi, Shillong kawa man leh ka sngi wa da seiñ ya ka heiwa man la u snem ha ka 23 Khonchonglad, ki bru wa ngait ya ka niam Khasi yachemlang ki wow e ngooh e dem ya u Blai Trekirot. Ya ka Seng Khasi da seiñ nadooh ka 23 Khonchonglad 1899.

Kani ka sngi pynemwarom ym em u man ko kam ka sngi lehkmen snem thymme  (New Year) kamwa da leh da kiwa boon ki jaitbru wa ki jait niam tangwa man ko kam ka yachemlang wow e ngooh wei yow da yei rukom man wa kyrpang ka jaitbru Khasi.

Man u snem ha kani ka yachemlang ki waheh wasian da e ki i batai i sneiñ kyntu ya ki paidbah wei da em leh ki prokram wow pynyoo wow pynsñiawthooh yei ngait, i rukom im, i akor i burom ha ka Niam Khasi.

Ynne ka sngi da sdang chwa hei step heipor 7:30 ha yung seiñ ka Seng Khasi wa da pynman da ka “Ksing Lumpaid” da em leh i ngoohblai na u Rgh. D. Syiem, i sneiñ kyntu i rwai na ki Seng Khynnah Seng Khasi wa da yoh yei kyntien khublei na u Secretary ka seiñ u Rgh. Arwan S. Tariang.

Ha Madan Ïewrynghep hadien wa da pynlang paidbah da yoh yei klam pdiang burom na U Rgh. T. Mylliemngap, i ngooh blai na u Rgh. H. Kharmawphlang, i chad pastieh dep neitæ won pynbood sa i lai paidbah kawa da tip leh kam ka “Ïaid Pyni Riti” heiwa da pynyoo leh yei rukom im wei man mahajon ki Khasi. Ini i lai paidbah da lai ki tymbud surok ka Sor Shillong wei da pynkut ya ka ha Madan Weiking heiwa da e ngooh ya u Blai u Nongbooh Nongthaw.

Ha kani ka sngi da wan chimbynta da ki paidbah na kylleiñ ka Ri-Loom Khasi wa Jaiñtia kiwa ngait ya ka Niam Khasi wa ka Niamtre weiwa da em leh i pynriam ya ki kari haki rukom wa boon wa pynyoo yei rukom im tynre weiwa da em leh ki kari yongrim kiwa da chim bynta ha ini i lai paidbah.

Manda poi ki ha i thaw wow pynkut ya ini i lai paidbah da em i yalang tbian heiwa u Rgh. Skor Jala da e u yei ngooh blai, i klam na u Rgh. Khlursing Lyngdoh, u Ma D. Lamar na ka Seiñ Raij Jowai i kyntien khublei na u Secretary Culture, Seng Khasi (Kmie) weiwa da em leh boon ki pynyoo ya ki rukom rwai rukom chaad tynre.

Maham ka EJNC ya ki Contractor kiwa pynkreh da....

Previous

Hap ka Pawan Hans helicopter ha Nagaland

Next

0 Comments

Leave a Reply