15 49.0138 8.38624 1 1 4000 1 http://wyrta.com 300

Chongchit i pynkut ka Annual Sports Meet ka SSKPJ

0 Comments

Jowai: Ka Annual Sports Meet ka Seng Samla Katholik Parish Jowai (SSKPJ) da poi ko cha wa kut ynnin ka 14 tarik.

Ka Seng Samla Katholik Balang Jowai da yoh rah ko ya i naam jop kam ka SSKPJ All Round Sport Winner 2018.

Advertisement ad1

U President ka SSKPJ u K. Dhar hei klam yong oo da e u yei khublei u ya ki khynroo khyllood ka Parish Jowai waroh kiwa wan chimbynta ha kani ka Sports Meet kiwa wan na ki chnong waphær waphær wa em hapoh ka Parish wei da e u leh yei khublei sniawngooh ya ka nongmuna wa bha wa miat wa em ha ki waroh kiwa wan yalehke.

U kongsan ha kani ka sngi u L. Syiemlieh hei klam yong oo da e u ka yaroh ya ka SSKPJ wa ye ko u pynman ya kani ka Sports Meet, da e u leh i yaroh ya kiwa wan chimbynta waroh nadooh ki wajop hadooh ki warem ha ki yalehke waphær waphær wei da pyn-eh daw u ya ki wow nang ku ki cha khmat ha ki kaam yalehke.

U E. Dkhar uwa man u Sport Secretary ka SSKPJ hei klam yong oo da e khublei u ya waroh kiwa da yarap ha kani ka Sports Meet nadooh ki President, ki Secretary ki khynroo khyllood balang chnong ka Parish Jowai khamtam ya kiwa chah khut sniawbha kiwa da emlang ha kini ki ar sngi yong kani ka Annual Sports Meet 2018.

Advertisement ad1
Previous
Next

0 Comments

Leave a Reply