Advertisement ad1

Ampati: Ka aiñ thymme ka sorkar Meghalaya kawa tip kam ka Minor Mineral Concession Rules (MMMCR) 2016 kawa yatoh wow kdaw ya ki kyndon wow tih moo tih chyiap wa kiwi ki mar wa haap hapoh ka kyrdan Minor Mineral da pynsñiawthooh paidbah ya ka ha Ampati, South West Garo Hills.

Ya kani ka pynsñiawthooh paidbah da pynman da ka yungkrehkaam u DC ka South West Garo Hills hei ya krehlang wa ka tnat Divisional Forest Officer, Territorial.

Advertisement ad1

U DC hawa pyntip ya ki paidbah chaphang kani ka aiñ da ong u wa ki paidbaah emkaam ki wow sñiawthooh kammon wow li paan ki Mining Lease ki Quarry Permit wei kiwa ym em ya kini ym chah de wow tih moo tih chyiap ki.

U DFO (Territorial) West, South & South West Garo Hills (T) Division, u Rahul Singh da pyntip u wa ya kani ka aiñ da pynkrehkaam nadooh u Naikhynde (September) 2016 wow wanrah yei tih moo tih chyiap u man noh ko neini cha khmat katkam ka aiñ yow lait u cha ktah ki um ki wah.

Da batai u leh ya ka rukom paan ya ki Mining Lease (u chim wai ya ki thaw) wei kamjooh leh yow pynkhreh ya ka Mining Plan ka wow kdaw ya i rukom tih moo tih chyiap wei da pynche u cha kiwa tih wymhoi u kit ya ki mar lada ym yoh ki ya ka Transport Challan wei da maham u leh wa ymhoi u leh Benami ha waroh kini ki kaam.

Neini cha khmat ym hoi de u tih ha ki thaw wa em 50 Meter na ki chong, ki um ki wah, ki yingkeiñ wa kiwi kiwi. Lada i thaw wow tih jngai ki palat ya ka 50 meter tangwa lada i tih daw wanrah ko kam ya ki oor khyndaw ym chah wow tih ha kam kini ki thaw.

Kiwi de ki kyndon wa haap bood toh wow yada ya kiwa kreh yow lait na ki mynsoo kamjooh wymhoi u pynkrehkaam da ki khynnah.

Share this:
Share on Facebook0Tweet about this on TwitterGoogle+0
Advertisement ad1