15 49.0138 8.38624 1 1 4000 1 http://wyrta.com 300

Da pynman ya ka One Day Career Exhibition cum Conference ha Tura

0 Comments

Shillong: Ka One Day Career Exhibition cum Conference da pynman ya ka neibynta ki khynnah Secondary wa Higher Secondary School ka West Garo Hills District ha Government Boys Higher Secondary School, Chandmary, Tura ha kani ka 10 tarik uni u bnai wa da pynman da ka Guidance and Counselling Unit of the Directorate of Educational Research and Training (DERT), Meghalaya, Shillong.

Ka DERT da sdang ko yeini wow pynyoo ya ki skur wa emkaam wow pyntip ki ya ki khynnah chaphang ki laad ki luti puræ wa ye ki wow leh hadien, wei wow khut ya ki bru chemphang wow pynche hajrong ini.

Kam u kongsan ha kani ka sngi u Deputy Commissioner, West Garo Hills, Ram Singh da kyntu u ya ki khynnah wow yaklam da i ktien English para ki hapoh skur khnang wow pliah bha ki wow klam ha kani ka ktien khnang wow chlur ki wow klam ha ki Interview hadien habood.

Da khana u leh yeiwa chem u heipor wa lai skur u hadooh wa poi u ha kani ka kyrdan neibhah wa man u uwa chlur wa uwa em i skem mynsnien da klam u leh hajrong ka Career Pathfinders kiwa ye u kdaw luti ya ki khynnah neibynta ka mynried wa tyrchaaiñ yong ki hi.

Heijooh i por da kyntu u ya ki khynnah wow booh thong ki wow lai puræ ha ki thaw puræ wa miat tam hapoh ka jylla wa ka ri wei wow yaleh ki wow yoh Scholarship khnang wow yoh ki u lai puræ mynkna.

Ka Lecturer and Programme Coordinator, Directorate of Educational Research and Training, Meghalaya Shillong, Singje Ch Marak, da ong ko wa ka Career Information man ko kawa kongsan tam ha kani ka juk wa katni neibhah wa emkaam u tip kayi ka jait kaam wei kammon man ko katwa kamtæ emkaam wow jied ya ka laad puræ kawa yatoh wa i sñiawsuk ki.

U Block Development Officer, Rerapara, South West Garo Hills, Raymond Z D Shira da batai u wa kammon u pynkreh ha ka Civil Services Examination, katwa u Retired Lecturer, DIET, Resubelpara, Sengmetira N Sangma da e batai u hajrong ka phang Hospitality Sector and Management.

Da pynman ya ka Legal Awareness Programme ha K....

Previous

Da pynman ya ka yalang hapyrdi ki Observer wa ....

Next

0 Comments

Leave a Reply