15 49.0138 8.38624 1 1 4000 1 http://wyrta.com 300 0
Advertisement ad1

Da pynman ya ka yachemlang ki khon ka Chnong Loompyrdi Iongpiah, Jowai

0 Comments

Jowai: Ka Chnong Loompyrdi Iongpiah, Jowai kam chibynta wow wanrah yei sñiaw jan sñiaw chipayu yong ki khon ki yong ka, da pynman ko ya ka yachemlang wa kyrpang ki khon yong ka ha kani ka 28 tarik ha Yungwalieh ka Chnong heipor 1:00 nohchariñ sngi, hajrong ka phang “To ya kyntu kynrong yei rukom im samen – i burom ka Dong u pynku pyndeiñ.”

Ya ka program ha kani ka sngi da pynlai da u Wyraiki Kharbuki, heiwa da yoh ya ki kyntien pdiang burom kamjooh leh ya ki kyntien yahkhmat na u Alan Niangti, Waheh Chnong neitæ won da yoh yei ngooh i dem na u Wanda-u-ru Laloo.

Ha kani ka sngi da pynkup burom leh ya ki khon ka chnong kiwa dadep puræ ha ki kyrdan waphær waphær nadooh kiwa pass bha haka Academic kamjooh leh ha ki Professional Course. Ha ka jooh ka sngi da e burom leh cha ki khon ka chnong kiwa da kynjoh yei rta iwa 70 snem cha neiñ wei da pyntasbah leh deiwa pynlait paitbah ya ki ticket lucky draw yong ka chnong da u Harwis Niangti uwi na ki waheh wa da poi 70 snem i rta.

Kam ka dak i sñiaw sarong ya kawi na ki khon ka chnong ka Loompyrdi Iongpiah da e ko leh ya ka Appreciation Award cha ka Lameca Passah kawa da rah yei naam Miss Jowai 2018.

Chooh chooh da yoh ya ki kyntien kyrsu kyntu na ka Lameca Passah kamjooh leh na ka Duwanki Pyrbot wa na ka Dalamwanhaka Passah kiwa da yoh yei pynkup burom ha ki kyrdan puræ yong ki.

Ha kani ka sngi, da yoh leh yei klam phang na u Hercules Toi, u wa da klam hei yatoh wow pynchlur ya ki khon ka chnong hei wow tia ki chaphrang la hei puræ puthi næ ha kiwon kiwon ki kaam. Hadien ini u Waheh Chnong da pynlait paidbah u ya ka Lama Baamphalar yong ka chnong kawa da pyntoh pynbiang da ka Executive Committee, heiwa u Wansalan E Dhar da batai bniah u yei mut yong ka uwa man leh u piar yong kani ka kaam.

Chwa wow poi chawa kut u R. L. Bimee Suwer uwa man u General Secretary ka chnong da e u ya ki kyntien kyntu kamjooh leh ki kyntien e khuble hei yatoh wa kani ka sngi, hadien won da pynbood ya ka pynkhle nasib ya ki ynru tylli ki prize neibynta ki khon ka chnong kiwa dawan sakhilang ya kani ka sngi ya kiwa da e sñiawbha da ki dkhot ka chnong.

 

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply