15 49.0138 8.38624 1 0 4000 1 https://wyrta.com 300 0

Da pynman ya ka yakob chaad yakob rwai tynre ka Thadlaskein Block

0 Comments

Jowai: Ka Block Level Art and Culture Competition da pynman ya ka ynne ka sngi ha Mookyniang, Community Hall, Khliehtyrshi, kawa pynman da ka Thadlaskein C&RD Block Thadlaskein deiwa ya krehlang waka District Art and Culture Society, West Jaintia Hills District.

Ha kani ka yakob rwai, chaad wei wow tem ya ki tiar tem tynre da yabhah ya ka ha ka kyrdan Folk Song-Group & Solo, Folk Dance-Group, English Song-Solo & Indigenous Instrumental, heiwa da wan chimbynta da ki skur waphær waphær kam ka Lissi Pearl Secondary School, Mukhla, Mookyndur Secondary School, Mookyndur, Ialong Secondary School, Ialong, Modern Secondary School, Ialong, Mukhla Raij Secondary School, Mukhla waka Nephington Laloo Secondary School, Wahiajer.

Kiwa jop ha kani ka yakob Block Level daw lai chimbynta ki haka kyrdan District Level.

Kiwa jop man ki kamni ha wah:

Folk Song Solo- Ka Truthful Dkhar na Lissi Pearl Secondary, School da yoh ko yaka First Prize, ka Ichenam Phawa na Ialong Secondary School, Ialong da yoh ko yaka Second Prize katwa ka Sankidaroi Phawa na Modern Secondary School, Ialong da yoh ko yaka Third Prize.

English Solo First Prize da yoh da ka Nuaichalin Gangmei na Lissi Pearl Secondary School, Mukhla, Second Prize da yoh ka Hobby Phawa na Modern Secondary School, Ialong katwa yaka Third Prize da yoh ka Embhah Talang na Mukhla Raij Secondary School.

Folk Song Group: First Prize da yoh ka Nephinton Laloo Memorial Secondary School, Wahiajer, Second Prize da yoh ka Lissi Pearl Secondary School, Mukhla katwa yaka Third Prize da yoh ka Mookyndur Secondary School.

Indigenous Instrumental– Da jop ka Mukhla Raij Secondary School, Mukhla.

Folk Dance Group: First Prize da yoh ka Ialong Secondary School, Ialong, Second Prize da yoh ka Lissi Pearl Secondary School katwa yaka Third Prize da yoh ka Mukhla Raij Secondary School, Mukhla.

0 Comments

Leave a Reply