Advertisement ad1

Shillong : Katkam ka khubor wa da yoh da ong wa da thung ya u Judge ka Meghalaya High Court u Justice S. R. Sen kam u Acting Chief Justice ka High Court ka Meghalaya da u  President ka India nadooh ynne ka sngi.

I pyrtuid wa pura u Chief Justice SR Sen toh u Sudip Ranjan Sen, weiwa da kha ya oo ha ka 9 Wisu (March) ha u snem 1957 ha ka sor Shillong.

Da pyndep puræ skur wei da pyndep B.A. u pyn ha Shillong hi wei da pyndep u ya ka LL.B na ka Shillong Law College hapoh ka NEHU.

Da sdang u kam u nongsikai skur hadien wa da pyndep puræ B.A u wei da sdang yasaaid aiñ u kam u muktiar (Lawyer) nadooh ka 28 Wisu 1989.

Da jooh man u leh kam u Asstt. Public Prosecutor wa u Addl. Govt. Pleader ka jylla Meghalaya nadooh u snem 1997 hadooh ka 7 Naiynñiaw (July), 2000.

Da pass u ya ka Meghalaya Higher Judicial Service Examination ha u snem 2000 hadien ini da man u kam u Addl. Dist. & Sessions Judge ha ka 10 Naiynñiaw 2000. Da man u kam u District & Sessions Judge ha u Duyatra (January) 2002 wei bor wow sylli ya ki mukotduma hapoh ki ain NDPS, PC Act, WAQF Tribunal, Land Acquisition.

Da yoh u yei naam Super Time Scale ha u Naitung (April) 2011 weiwa da man u kam u Registrar (Admn.) ha Gauhati High Court ha sor Guwahati nadooh ka 1 tarik Kmaichonglad 2010 hadooh 06 Thohlakhmi 2012.

Da man u kam u Addl. Judge ka Gauhati High Court (High Court of Assam, Nagaland, Meghalaya, Manipur, Tripura, Mizoram and Arunachal Pradesh) ha ka 06 Thohlakhmi 2012.

Hadien ini da e u ki kyntien-kular (Oath) kam u Additional Judge ka High Court ka Meghalaya ha ka 23 Wisu 2013. Ha ka 7  Duytra, 2014 da pyntikna ya oo wow man kam u Permanent Judge ka Meghalaya High Court.

Share this:
Share on Facebook0Tweet about this on TwitterGoogle+0
Advertisement ad1