Advertisement ad1

Jowai : Hadien palat 10 snem wa sdang u chna ya ka Auditorium Cum Sports and Cultural Hall ka Lion Mission Compound  Dorbar Chnong, Jowai ynne ka sngi 31 tarik da wan wai ya ka da u Prof. R.C. Laloo, Deputy Chief Minister, Meghalaya.

Hei yalang wa pynman hapoh kani ka Hall da pyntip u Genral Secretary ka Lion u ma L. Suchen wa ha kani ka auitorium kattæ dang sah sa kamwa 20 % i wa ym pu dep u chna. Da khana u leh wa ha kani ka auditorium u em ka Library, ka Conference Room, Guest Room, ka Badminton Court wa kiwi kiwi. Da e sniawngooh u leh ya ka dukan Suchiang Hardware ka wa e ya ki mar chna ya kani ka auditorium han lada duna poisa leh kamjooh ya u ma Riwot-oo Susngi u wa leh ya ki Steel Works khlem da pyrkhat ka su bai kreh ya oo.

Advertisement ad1

Hadooh kattæ da pynlut palat T. 85 lak u pynyieñ ya kani ka auditorium. Wei da sdang u chna ya ka nadooh u snem 2003.

U ma M. Rymbui u Waheh Chnong da kynmoo burom u ya ki nongmihkhmat ki wa da jooh yarap poisa u chna ya kani ka auditorium kam u ma Moon Light Pariat, Singh Mulieh khamtam ya u ma R.C. Laloo u wa da yarap nadooh wa sdang u chna ya kani ka auditorium.

U ma Andrew Shullai Deputy CEM, JHADC da yaroh u yei stad pyrkhat ki dkhot ka dong khamtam u booh ya ka Library neibhah ha kani ka juk wa duna bha ki wa myllien u puræ kot ha ka juk mobile phone.

U Prof. R.C. Laloo u wa man leh kam u tre dong ong u wa ha kani ka sngi ka Lion da ye ko u ong wa da ryngkat ko wa kiwi ki dong deiwa wai ya kani ka auditorium wei da yarap u katwa em i bor u na ki skim wa yoh u kam u nongmihkhmat. Da ong chooh chooh u wa yeiwa sah u chna haap ya pynlang poisa yonglang yow ye u pyndep lut ya kani ka Auditorium.

auditorium

Ha kani ka sngi da yoh leh yei rwai wa chna kyrpang ya i wai ya kani ka auditorium da ki khynroo khyllod ka dong.

lion

Ha chwa u kut ka yalang da puræ leh ya ki pyrtuid ki bru wa da yarap poisa T. 5000 cha neiñ da u ma D. Synrem, Joint Secretary kamjoh da e u ya ki kyntien e khublei.

lion-cake

I ah cake da u ma P. Kynjing, Dolloi Elaka, Jowai

Share this:
Share on Facebook0Tweet about this on TwitterGoogle+0
Advertisement ad1