15 49.0138 8.38624 1 1 4000 1 http://wyrta.com 300

Da wai ya ka yung krehkaam wa yung skur ka Seiñ Kyntu Seiñ Raij 12 Dolloi

0 Comments

Jowai: Ka Seiñ Kyntu Seiñ Raij 12 Dolloi da wai paidbah ko ya ka yung krehkaam ka wow man leh kam ka yung skur yong ka ha Thadmuthong C Phramer, West Jaiñtia Hills District, heiwa u MLA ka thaaiñ wa man leh kam u montri sorkar, u C. Ymbon kam u kongsan hei emlang u MLA ka Mawphlang u S.K Sunn wa u MLA ka Jowai, u Wailadmiki Shylla da emlang ki ynne ka sngi.

Ha kani ka yalang da pynkupburom leh ya ki Dolloi na ki soo tylli ki Elaka, kamjooh leh ka Hom Hing kawa da embynta wa ka seiñ la heiwon iwon i por.

Advertisement ad1
Advertisement ad1

Ya kani ka yalang da pynlai da u President ka Seiñ, u Mario Biam heiwa chwa wow sdang deiwa pynhær ya ka lama ka seiñ da u Chanki Langbang uwa man kam u Acting Dolloi ka Elaka Shangpung, wa ki kyntien ngooh blai na u R.M. Garod Dolloi ka Elaka Nangbah wei da yoh won ya ki kyntien pdiang burom na u Treyo Lyngdoh uwa man kam u Treasurer ka Seiñ wei da puræ ya ka bui krehkaam ka seiñ da u General Secretary, u Chanky Nongrum wei da yoh leh yei klam na u Dr. G.L. Niang uwa man kam u President warim ka seiñ.

Da yoh leh yei klam na u Yowanphi Lyndoh, Waheh Chnong ka Thadmuthlong –C Phramer, wa na u S.P. Kanale uwa man kam uwa ebuit ya ki waheh wow sdang ya ka Seiñ Kyntu Niamtre 12 Dolloi ha u snem 1992 wei da pynkylla won yei pyrtuid cha iwa katni ha u snem 2005.

Ha ka yalang da yoh leh yei klam na u N. Munish Singh uwa man kam u Regional Director Indian Council for Cultural Relation Shillong for the Northeastern Region uwa da pynbna wa ka yung krehkaam yong oo chirup wa ka seiñ daw pynemwarom ki ya ka sngi yap u Woh Kiang Nangbah Foundation Day ha ka 30 tarik uni u bnai ha kani ka thaw.

Ya kani ka yalang da wan sakhilang da ki President/Secretary Ki Langdoh ki Pator ki Seiñ Raij waphær waphær wei da embynta ki Dolloi kam na ka Elaka Nangbah, Dolloi Elaka Nongjing, Dolloi Elaka Raliang wa u Acting Dolloi ka Elaka Shangpung, ki President/Secretary ka Sengkhihlang, Sengbah ki Nongshat Nongkhieñ ha ryngkat ki khon ki hajar ka Ri 12 Dolloi na ki chnat Seiñ Raij waphær waphær da wan ki ha kani ka yalang.

Da pynphooh ya kani ka sngi da ki rwai wa ki chaad tynre na ki Seiñ Raij waphær waphær wei da pynkut ya ka yalang da ki kyntien ekhublei na u Meliyo Lyndoh uwa man kam u Secretary Education and Construction Committee ka Seiñ wei da pynhiar ya ka lama ka seiñ da u kñi ka Seiñ u, Manbha Lamare.

Advertisement ad1
Advertisement ad1

Nei chare masi chei CEM ka JHADC, khana u Mado....

Previous

Nei rah kiad u khynnah, sangeh i khayi wa ka r....

Next

0 Comments

Leave a Reply