Advertisement ad1

Jowai: Hadien wa mih i video ha ki Social Media wa chah dat chah bom beiñ uwi u khynnah khynroo ha Khliehriat ka yutip wa tikna da sdang chemdien ki pulit yeiwa jia waroh.

Ini waroh da jia i ha pchem i yung u Bhalang Shylla iwa em ha Khliehriat West, East Jaiñtia Hills wei da jia i heipor chiteiñ sngi ha ka 13 tarik uni u bnai.

Advertisement ad1

Ya uni u khynroo da tip kam u Batskem Pala ya uwa tip sin leh kam u Fridy næ Friday næ u Forpunet wei i chnong tre u toh na Sutnga Pohshnong, wei man u leh u khonswet wei toh uwa khih mylla nongsngi.

Da ong wa ha kani ka 13 tarik u Batskem hadien wa pynuiñ u ya ka kymmor wa ka TV cha ki tre kiwa man kiwa sah yungwai ha ini i yung ya kiwa da pynbaad wa da tooh u.

Hadien wa pynuiñ u ki kini ki tiar da ksoh ya oo da kdoh wei da sdang ki damok da dat da bom khiar ki oo.

Manda dep dat ki oo da kit ya oo da ka Van (kawa em hajan i thaw wa jia) cha Khliehriat Police Station wei ym em ujor ki neibhah wa da kam ki wa tooh u da ki tiar khian, neiliang ki pulit da kit ki oo cha Khliehriat CHC yow leh ya ka Medical Examination, wei da pyllait noh ya oo.

Wei hadien ini ymtip cheiwon lai u wei heiwon wei kammon man u.

Hei yaklam wa u SP ka East Jaiñtia Hills u S. Thanar da register case ki pyrchah ya kini ki damok wei da pynngat hapoh ki kyndon 326, 506, 109, 34 IPC wei kini ki damok hadooh katni dang yut ki.

Ya kiwa dat wa bom oo u Batskhem da tip kam u Bhalang Shylla, u Teibor Sumer, u Ning Pale, wa kiwi kiwi.

Heijooh i por u Thamar da pyntip u wa ki pulit leh dang thooh ki ya u Batskhem yow e yarap ya oo.

Share this:
Share on Facebook0Tweet about this on TwitterGoogle+0
Advertisement ad1