15 49.0138 8.38624 1 1 4000 1 http://wyrta.com 300 0

Dawa ka AHPUF wow chna pynmiat ya u sarok DC Office By-pass uwa da sih cha wa palat

0 Comments

Jowai: Ka All Hynniewtrep People United Front (AHPUF) seiñbei da pynsñiaw ko yei sñiawkhai wa joor hajrong i sih khlem toh por u sarok DC Office By-Pass wa em ha Jowai uwa lai nadien ka yung krehkaam u DC lyngba ka Dong Wahchor, Iawmusiang hadooh wa ki kari da chem chitom ki wow lai lyngba uni u sarok uwa dang dep chna thymme ym pu em slem.

Ka seiñ deilang wa kiwa thoh khubor da lai sylli ki yeini i kreh khalær ya uni u sarok da ki Contractor wa pynchna ya uni u sarok, uwa da sih bha chwa wow mih u cha laad Wahnangbah uwa ym yahap de wow khut kam u sarok.

U President ka seiñ u John Phawa, da ong u wa da chna khnang ya uni u sarok neibynta wow pynsuk yaka lai ka wan yong kiwa chong chnong wa lai lyngba uni u surok wei khamtam wow pyndooh ya ka sahkut kari ha u sarok ka Iawmusiang, tangwa da kylla u wow ktah kylla ya i lai i wan ki paidbah.

Da ong u leh wa ini i kreh khalær namo i kreh tang dep ya uni u sarok da ka chnat PWD da wanrah ko ya i dooh nong ya u paidbah wei da pynsepai ya ka poisa sorkar iwa pynyoo yei baam tooh wa joor ya ka poisa neibhah lada pynkreh hi katkam ki kyndon wa booh ym smat sih kani ka sarok wei kopsar boon ka poisa da lai ko cha i kata kiwa emkti wow pynchna ya uni u sarok.

Neiliang ka seiñ da dawa ko naka chnat PWD wow phah ya u Contractor wow pynkreh biang ya uni u sarok yow chna pynmiat wei lym kamtæ ka seiñ ym yohsa ko wow chim da kiwi ki laad ki luti kiwa rap eh. 

Advertisement ad1

0 Comments

Leave a Reply