15 49.0138 8.38624 1 1 4000 1 http://wyrta.com 300

Dawa ki seiñ na ri-loom Garo wow sylli bniah ya ki kot ki sla ki baar jylla

0 Comments

Jowai: Ki seiñ na ri-loom Garo kam ka GSU, AYWO, ADE, FKJGP, ka Tura Garo Senior Citizens’ Forum (TGSCF), Garo Graduate Union da yachem ki ya u Deputy Commissioner wa u Superintendent of Police, WGH yow sñiawthooh yeiwa man ka sylli yeiwa ye kiwa na Assam u psiah tooh chapoh ka District nadooh wa pynmih ya ka 2nd Draft ka NRC ha ka jylla Assam.

U Winstone G. Momin, President ka TGSCF, da kyntu ya u DC wa u SP wow yakrehlang ki wa waroh ki Police Station yow lait u wan i psiah tooh.

U General Secretary ka Garo Graduate Union da pynkynmoo u yeiwa emkaam wow chimkhia ya kani ka kaam yow yada ya ki jaitbru Garo wei ki dkhot ka seiñ AYWO, ADE, GSU da FKJGP da paanbor ki wow emlang wa ki pulit ha ki thaw wa sylli ya ki kot ki sla ki bru wa psiah chapoh ka District.

U DC wa u SP da ong ki wa da leh ya waroh iwa emkaam wei waroh ki pulit da man ki kiwa chimkhia ya kani ka kaam katkam wa da phah da ka sorkar wei ha waroh ki thaw wa em cha khappood wa ka Assam da booh ya ki Police Check Point.

Neiliang ki seiñbhalang dang sñiaw artatien ki yeini i pynkhreh ka sorkar yoo kamwa leh jhan wei lada ki seiñbhalang chem ki wa tlot i krehkaam ki pulit ym yohsa ki wow mih madan wow leh ya kani ka kaam wow sylli ya kiwa psiah chapoh ka jylla toh kiwa em pyrtuid hapoh ka NRC.

Da dawa ki leh naka sorkar Meghalaya wow sdang pynkrehkaam ya ka NRC hapoh ka jylla deiwa booh ya u snem 1971 kam u snem wow pdiang ya kiwa da em chwa hapoh ka jylla kam ki tre jylla wei kiwa wan hadien yow kyntait ya ki.

Kini ki seiñ leh da kam ki wa da chem ki ya 3 ngut ki bru ha Dalu wa 5 ngut ha Rongjeng wa kiwi kiwi de ki thaw wym em ki kot ki sla.

Chimkhia ka MPSC wow pynkhooid ya i yaleh exam MCS

Previous

Psiah Quarter Final sa ka Friends Combine ha k....

Next

0 Comments

Leave a Reply