15 49.0138 8.38624 1 1 4000 1 http://wyrta.com 300

Dei kylleiñ myngor u yakhih ka KSU ha Shillong wow pyrchah yei chah tynyap uwi ha khappood Assam

0 Comments

Jowai: Ka Khasi Students’ Union (KSU) Central Executive Council da pynsñiaw ko yei chrai wa i sñiawsih hajrong i jia wa dang dep ha ki thaaiñ khappood ha Ri Bhoi, West Khasi Hills wa West Jaiñtia Hills.

Kini kiwa jia kynthup ki ya i chah kem u waheh chnong yong ka thaaiñ hajan Block I wa i chah tympra ki yung ha khappood ka West Khasi Hills.

Hajrong kini kiwa jia da mih i kylli kiyi wa pynchlur ya ki bor sorkar yong ka Assam wa ki bru yong ka wow nood ki wow thombor hadooh kat deini khlem da kheiñ kor chooh chooh ya ki paaid Khasi wa ya ka sorkar Meghalaya leh kamjooh.

Ha kini ki tayaw ha Ri Bhoi da sdang chwa da i tympra ya ka yong ka Shadalin Lyngdoh da ki pulit Assam. Hadien ini ki pulit Assam da tynpra ki wot sa ya i yung skur ha Khlieh Umwang wa da chna lyngba ka Scheme sorkar pyrdi ym na ka Scheme ka sorkar jylla.

Hajrong kini, ka seiñ da sñiaw ko wow ong wa ki pulit Assam da yoohbeiñ ki ya ka hok manbru yong ki paaid Khasi wa sah ha khappood.

Iwa rap sñiawsih chooh ka seiñ toh i chah tynyap u Tyngshain Mukhim uwa chong wa sah ha Khlieh Umwang. U Mukhim toh uwa da chah dat ha ka 09-09-2018 ha Madan Umwang wei da khlaad noh u ha ka 12-09-2018.

Hadein ini i jia wot ya ka FIR wa booh ha ka Mawlasnai Police Outpost tangwa ki pulit Assam ki da thmu ki wow knieh ya i metyap uni u bru wow leh Post Mortem cha Assam.

Ka seiñ da pyntip ko leh wa hadien wa da yoh wow leh ya ka Post Mortem ha Nongpoh Civil Hospital da yoh yutip chooh chooh wa ya u bru uwa leh ya kani ka kaam wow tynyap da suba toh u jaitbru Nepali uwa da kem da ki pulit Assam. Katkam wa tip ka seiñ ya utai u bru da tip pyrtuid kam u Ramesh Thapa uwa da mut wow wan pyndem ha ki pulit Meghalaya neidaw wa ya ka FIR da booh ha ki pulit Meghalaya.

Ka seiñ hajrong ini daw pynman ko da ka chong kyllaiñ myngor ha Parking Lot yong ka Additional Secretariat ha ka 19-09-2018 nadooh i por 11 waje i step hadooh 3 waje nohchariñ ka sngi.

Kamtæ ka seiñ da khut ko ya waroh ki paradoh parasnaam kiwa em i kitkhlieh ya ka jaitbru wow wan chim bynta ki ha kani ka sngi kam ka dak wow pynyoo wa i mynsien u Khasi ym toh iwa tohdor iwa yoh u chim heiwon iwon i por.

 

Advertisement ad1

Khyrngiat kiwa yahkhmat yong ki seiñ saiñ pyrt....

Previous

Haka 15 tarik u sdang ka lympung yalehke Footb....

Next

0 Comments

Leave a Reply