Advertisement ad1

Jowai: Ka Tree Foundation lyngba i kyrchaan poisa ka State Council of Science Technology & Environment ka sorkar Jylla, ynnin ka 12 tarik da pynman ko ya ka ‘Fun Science’ neibynta ki khynnah class 6 ka Little Flower Higher Secondary School Ummulong, Thadlaskeiñ Block.

Kani ka esikai toh chi bynta wow kyntu yei stat sayan haki khynnah hapoh ka Jylla wow sñiawthooh ki ya kani ka subject nadooh dang khynnah ki yow suk ki manda poi ki cha ki class heh.

Advertisement ad1

Kane ka esikai da pynsñiawthooh ko ya ki khynnah deiwa yohlaad ki u chimbynta wei wow yoo da ki khmat ya kiwa boonjait kamwow pynmih sur na ki tadong, i rukom krehkaam ka yit (reflection), wa kiwi kiwi.

U Onus Manner hei klam da ong u wa emkaam wow pynman ya kam kani ka esikai toh wow yarap ya ki khynnah u sñiawthooh ki ya ka phang neibhah boon toh kiwa puræ lyndet na ki kot ki sla khlem sñiawthooh.

Da khana u wa ka Tree Foundation da sdang yaka hadien wa yoo yeiwa emkaam wow wanrah yei kylla haka thaiñ North East lyngba i thooh bniah lyngba i stat i tip, neibhah ka Tree Foundation hi mut ko Transformation Through Research, Education, Empowerment.

Neiliang ka Tree Foundation da pyntip wa daw esikai ki cha waroh ki Block wa em hapoh jylla kam ha East Khasi, Ri-bhoi kiwa da dep esikai ki katwa ha Jaiñtia Hills won da jeid ya ka Thadlaskein Block heiwa da jied nyngkong ya kani ka skur.

Da pyntip leh wa kat dang lai ki por daw esikai ya kiwi tawan ki skur wa em hapoh ka District.

Share this:
Share on Facebook0Tweet about this on TwitterGoogle+0
Advertisement ad1
Advertisement ad1