Advertisement ad1

Jowai: Ka Jaintia Hills ynnin ka sngi deilang waka pyrthai waroh kawi da leh warom ki ia ka World Literacy Day kawa man ha district library auditorium,  Jowai. Ha Ri-loom Jaintia da kynmoo ia kani ka sngi hajrong ka theme ‘Education & learning is a treasure that will follow its owner everywhere.’ ‘Iwa mut i stat i tip i puræ puthi man i ka spah wow bood ya ki tre kat cha wa lai ki’.

Ia kani ka ialang da pynkhreh da ka ophis ka District Mission Coordinator (DMC), SSA-SEMAM, Jaintia Hills District. Ka kong Dr. L.M. Darnei kawa man kam ka DMC ka ri-loom Jaintia da ong ko wa ka Jaintia Hills man ko kawa duna tam hapoh ka jylla ia ki bru wa tip u puræ wa u thoh u tar kiwa em 61.4 % ha i wa nujor wa i yong ka jylla iwa man 74.4 %.

Advertisement ad1

Kamwa man kattæ hapoh Jaintia hills ka SSA em ko 542 tylli ki skur Lower Primary wa 254 tylli ki Upper Primary School. Na ki skur won wa em ha Jaintia hills 1083 tylli ki Lower Primary kiwa da ioh ia ka School Grant. Na ki Upper Primary school 366 tylli da ioh ki ia ka School Grant. Ki nongsikai ka SSA ha ki Lower Primary School em ki 1088 ngut, ha ki Upper Primary School won em ki 762 ngut. Ki nongsikai kiwa da ioh training ar snem lynter da em ki 542 ngut. Ha u snem 2014-15 ka ophis ka DMC da ye ko u pynpsiah cha ki skur ia ki 403 ngut ki khynnah na waroh ki 5 tylli ki block kiwa khut ki kam ki Out of School Children (OOSC) kini toh ki khynnah kiwa em nadooh 6 hadooh 14snem i rta kiwa ym jooh em lai skur næ kiwa da ieh ha chiteiñ don hi ia i puræ puthi ki. Dang em leh sa 5157 ngut ki khynnah kiwa dang em ha ki 156 tylli ki Out of School Children Special Training Center kiwa dang e sikai ia ki yow ye u pynpsiah ia ki ha ki class wa iatoh wa ki kyrdan wow ye ki u pteiñ i puræ. Iaki khynnah kiwa em ia i duna ha ki dkhot met, kam ha ki khmat wa ki chkoor leh da e iarap wa i sikai kyrpang ia ki. Ia kiwa duna ha ki khmat da esikai ia ki u pynem da ki Braille ki dak puræ ia kiwa wa duna ki khmat heiwa u pynemkam ki da ki kti u puræ. Ia kiwa duna ha ki i sniaw ki chkoor da esikai da ka Sign Language næ i rukom pynyoo pynkhih da ki kti.

Ia kini da em da ka special training ia ki nongsikai yow tip ki u thoh ia ka Braille wei wa kammon u pynemkam sign language.

Da saam leh ia ki Hearing Aid cha ki khynnah wa duna ha ki chkor cha ki le ngut ki khynnah.

Ha kani ka sngi leh da sam khusnam “Teacher of the Year” cha ki nongsikai ki san tylli block. Na ka Thadlaskein Block da ioh u R. Pakma u nongsikai ka Bowland Pad & Luna Lower Primary School wa ia u ma R. Mukhim naka Umjalasiaw Uper Primary School. Na ka Laskein Block da ioh ka V. Langbang na ka Seinraij Upper Primary School, Khliehrangnah wa ka S. Khlem na Evershine Lower Primary School Sahsniang. Na ka Amlarem Block da ioh ka Larisa Buam ka nongsikai ka Hynriam Thangbuli Lower Primary School wa u ma S. Lyngdoh Giri naka Nongtalang Mission Upper Primary School. Na ka Saipung Block da ioh ka A. Lyngdoh naka Mooriap Sumer Lower Primary School wa u L. Thianglai naka  Tuinar Bung Upper Primary School. Na ka Khliehriat Block da ioh ka P. War na ka Yakyntilang Lower Primary School w aka A. Nongtdu n aka Iawpyngkat Upper Primary School.

Ha kani ka sngi da em leh ka slogan Competition wa da jop da ka Jowai District Presbyterian School. Wa ar da ioh ka St. Micheal & All Angels School, Jowai wa ia ka wa le da ioh da ka Jowai Upper Primary School, Jowai.

 

Ha i pynkut ia kani ka ialang  ka kong D. Khongiong ka District School Education Officer, Jaintia Hills ong ko i stat wa ioh na i lai skur man i ka spah jabieñ wa ye phi u rah kat cha wa em phi wa ha ijooh i por ye wanrah spah leh ia kiwa pynemkam bha ia ka. Ia kani ka ialang da pynphooh pynphieñ ia ka da ki rwai wa ki ialehke drama wa tbian da ki skur iong ka district.

Share this:
Share on Facebook0Tweet about this on TwitterGoogle+0
Advertisement ad1