15 49.0138 8.38624 1 1 4000 1 http://wyrta.com 300

Ha kani ka pali yong nga u pyndep chna O ya ka Iawmusiang: Wailadmiky Shylla

0 Comments
Advertisement ad1

Jowai: “Kam kiwa mihkhmat iwa nyngkong dooh toh wa kammon u yajooh yajan wa ki paidbah neipor cheipor khnang wow tip yei eh i khoo wa i chitom yong ki neibhah ym kwah O u booh du i kular donhi chakhmat” da ong u kyrtong ka NPP na 2-Jowai Constituency, u Wailadmiky Shylla hawa yaklam u wa kiwa pathai khubor ha kani ka 12 tarik uni u bnai.

Da ong u wa oo kam u kyrtong kwah u wow pynwiar ya itæ i yajngai namo yeiwa tip leh hei ktien para kam ka ‘gap’ hapyrdi kiwa mihkhmat wa ki paidbah khnang wow yoh u pyndep yeiwa emkaam ki paidbah iwa hakhmat dooh. Da pynrap u deiwa ong wa khnang wow pynwiar ya itæ i yajngai emkaam u wow lai cha ki program hei wow ya emlang wa ki paidbah kam ha ki program ki chnong ki thaw, ki skur, wa kiwi kiwi neibhah deiwa lai cha kam kini ki yalang daw yoh u yoo yei rukom im ki, ki skur wa lai ki khon ki, ki sarok ka chnong ki wa lai ki wei deiwa embynta lang wa ki daw yoh u wow yoo yeiwa emkaam ki.

Advertisement ad1

I sahteiñ ya i chna ya ka Iawmusiang Shopping Complex u Wailad da ong u “Ka Iawmusiang toh ka pliang ja ym du kat ya ka Jowai tangwa ya ka ri-loom Jaiñtia hi waroh kawi, wei u man ko kam kawi na kiwa emkaam tam wei man ko kam ka laad ya nga wow yoh O u pyndep ya ka hanlada emkaam wow kdong chadooh cha Delhi leh u pynlut O yei por yong nga khnang wow yoh myntoi ki khon ka ri-Jaiñtia waroh kawi” heiwa da pynrap u deiwa ong wa oo sñiawsih u wow yoo wa ki bru kiwa da im ja kiwa da pynstat ya ki khon na kani ka yaaw da haap chong ki katni ha Footpath deiwa ong leh “Lada man katwa man ha kani ka pali yong nga u pyndep chna ya ka Iawmusiang”.

Hei yatoh won wa i kyntien wa mih wa ong wa oo toh u palat chnong, u Wailda da kyntu u ya waroh wa ymhoi u em ki kam itæ i sñiaw neibhah ymhoi u em itæ i sñiaw kam i palat chnong, namo ka niam, wa yong wa lieh, kiwi kiwi neibhah waroh hi man i salonsar wei emkaam wow mylliñ ya kam itæ waroh. Chooh chooh da ong u wa emkaam wow pait ya u bru uwa ye u e i chakri uwa em i mynsien wow wanrah ya itæ i roi i paar.

Sñiawkhia ka AJYWO yei kyrriah ka sorkar ya ka....

Previous

Wow yatipmit iwi ya iwi pynman ka kur Sookpoh ....

Next

0 Comments

Leave a Reply