15 49.0138 8.38624 1 1 4000 1 http://wyrta.com 300

Hadien wa chah ksoh ha Chohchrieh tyrrah won ka Truck ya i dukan ha Tuber Kmaishnong

0 Comments

Jowai: Ynne i janmiet da e mi jia wa sñiawsih heiwa kawi ka truck wa em u Number PB 12 T 7650 da tyrrah ko ya iwi i dukan wa em harood u sarokbah NH 44 iwa em ha Tuber Kmaishnong.

Kiwa sakhi yeini da ong ki wa ya kani ka truck da yah da u bru uwa da muaid wei da tyrrah u leh ya kawi ka kari wa em Number ML 11 0705 wa ka truck Shaktiman kawa pynyieñ hajan i dukan.

Advertisement ad1

Da ong leh wa lada toh wa wym em kani ka Shaktiman, da booh ko yei ma ya kiwa boon khamtam kiwa em hapoh dukan kamjooh kiwa em ha lait ha i thaw sait kari.

Ha ini i jia da ya kiwa takha da tip kam u Mar-o Lyngdoh, u Obedient Shylla, u Hamkom Phawa wa kawi ka manbei kawa tip kam ka Bianka Lyngdoh waroh kini toh kiwa na Tuber Kmaishnong.

Neiliang ki pulit da wan ki wut wut cha kani ka thaw wei da kem wot ki ya uni uwa yah ya ka truck.

Da yoh yutip wa chwa wow tyrrah ya kani ka dukan, ki paidbah da ksoh ki ya kani ka truck ha Chohchrieh neidaw wa da muaid ware uni uwa yah wei manda langoh da yut u na i thaw wa ksoh ya oo.

Advertisement ad1
Previous
Next

0 Comments

Leave a Reply