15 49.0138 8.38624 1 1 4000 1 http://wyrta.com 300 0

Hadooh 2 kynta duna neh i takit u ADM ka EJH ya ka Amita hajrong i jia ha ka 8 tarik

1 Comment

Shillong: U Additional Deputy Magistrate (ADM) ka East Jaiñtia Hills District, u SS Syiemlieh da chimpor u hadooh 2 kynta duna wow takit ya ka Amita Sangma hajrong i chah thombor yong ka wa ka President ka CSWO, ka Agnes Kharshiing, iwa da jia ha ka 8 tarik uni u bnai ha ka chnong Shohshrieh, EJH.

Katkam ka chithi wa da phah cha kini ki ar ngut, u ADM da khut hajir u ya ki ha NEIGRIHMS Hospital ynnin ka sngi heipor 11 waje i step, tangwa neidaw wa dang em ki ha i chitom da lai takit hi ha ka tai ka thaw sumaar, ha ini i lai takit da pynyang u ya ka Amita hadooh le kynta tam neibhah da yaklam u wa ka manda poi i por 2:40 i janmiet wei ka takit da neh ko 2 kynta duna.

Hawa pyrchang wow kylli iwon iwon na uni u sahep hadien wa da mih u na kamra ka Amita, da kyntait u wow pyntip neidaw wa ym em e bor ha oo wow klam hajrong kani ka takit.

Tangwa da pyntip donhi u wa i wan takit man ko katkam wa phah da u Deputy Commissioner ka District uwa da e por 15 sngi wow pyndep ya kani ka takit.

“Daw chem chitom wow phah ya ka bui yong kani ka takit cha u Deputy Commissioner hapoh 15 sngi, tangwa nga u pyrchang hi O wow leh yeini,” da ong u wa heijooh i por da pyntip u wa da yachem u wa waroh ki doctor wa sumaar ya kini ki ar ngut wow tip chaphang i chait i khiah yong ki nadooh wa wanrah ya ki ha NEIGRIHMS.

Neiliang ki bor wa pynlai ka NEIGRIHMS ki da khang ki ya u Syiemlieh wow klam wa ka Agnes neibhah wa rap chitom ko palat bar ya ka Amita wei neiliang uni u sahep da ong u wym klam u ya ka wei u lai pait hi eh u ka.

“Daw phah O leh ya ka bui wa ka Agnes ympu ye ko wow pyntip iyi iyi leh neidaw wa dang em ko hapyrdi i chah sumaar,” ong u Syiemlieh hawa jubab ya iwa kylli kiwa pathai khubor.

 

Advertisement ad1

1 Comment

  • November 25, 2018 at 4:11 pm
    Pynhundkhar

    ka sorkar ka dei ban pynshitom ia kiba donkti ban ktah kti bad pynmynsaw iakine ki longkmie

    Reply

Leave a Reply