15 49.0138 8.38624 1 1 4000 1 http://wyrta.com 300

Hadooh 7 snem u chah hikai pynpliah u Alwinson Bareh ha ka yalehke football ha Mumbai

0 Comments

Jowai: Ka Dorbar Chnong Rymbai ynnin ka sngi da pynkup burom ko ya u Alwinson Bareh uwa da chah jied wow lai pynbniah hadooh 7 snem ha ka yalehke football ha ka chlem e sikai ya ki khynnah wa em sap kawa tip kam ka Reliance Foundation Young Champs (RFYC) kawa em ha Navi Mumbai, Maharashtra.

Hadooh 7 snem u Alwinson Bareh u yoh u ya ka bai baam wa pura, wa kynthup ka bai chong skur ka yong oo, i thaw sah wa ki tiar ki tar wow pynemkaam u.

U Alwinson toh u khon yong ka Dakashwa Bareh wei da kha ya oo haka 18 tarik Khonchonglad (November) 2006 haka chnong Rymbai, Shken Shynriah, East Jaiñtia Hills District.

U Alwinson toh u khynnah uwa jooh ya chimbynta ha ki lympung U-12 wa kynthup haka Block Level, District Level wa State Level lyngba ka Shillong Lajong FC wei da yoh u wow lai mihkhmat yaka jylla wa ya ka ri India ha ka lympumg U-12 International Youth Football Tournament kawa da man ha Putian, China.

Ha kani ka pynkup burom da em leh u Deputy Commissioner East Jaiñtia Hills District u F.M. Dopth wa u Superintendent of Police u S. Nongtnger hei ya emlang kiwa ha yung ha sem u Alwinson Bareh kiwa kitkaam ka chnong wa ki bru paidbah, haka yalang wa pynlai da u waheh chnong u J. Lyngdoh kawa pynman ha Community Hall ka Rymbai Pohskur.

U F.M. Dopth hei klam yong oo da pynsñiaw u yei kmen neibhah mar ya chimkti u kam u DC pyn ha kani ka janmiet da yoh u wow pynkupburom ya u Alwinson.

Da kyntu u ya u Alwinson wow man u barabor u khynnah uwa ryntih, uwa sñiawkhian, ym hoi u man uwa sarong, u man u uwa ngaitsneiñ wei wow yait na ki kaam dih wa pynmuaid.

Nalor u kongsan ha kani ka sngi da yoh leh yei klam sneiñ kyntu na u SP u S. Nongtnger, na u Secretary chnong u Blasused Rymbai wa na u Dolloi ka Elaka Rymbai u E. Swer.

Kam wow pynkynmoo wa neiliang ka Dong Rymbai, Shken Shynriah leh da dep ki wow pynkup burom ya u Alwinson Bareh hei emlang u BDO ka Khliehriat u S. Marwein ha ka yalang kawa pynlai da u Firstly Syad uwa man leh u Chairman ka Dong Skhen Shynriah wa u Working President ka East Jaiñtia Hills District Football Association, u James Sutnga nalor kiwi kiwi.

Da pynkrehkaam ya ka 144 CrPC wow khang u dai ....

Previous

Kattu da palat 48 kynta neh i awri ha thaiñ Mo....

Next

0 Comments

Leave a Reply