Jowai : Ka seiñ ki nongkhayi tre-ri ka Jaintia Tribal Trading Association (JTTA) kiwa chongdai ha yaw thymme ka JHADC ha Ladthadlaboh hapoh ka lama ka (JTTA) ynne ka sngi da lai paidbah ki cha ka ophis u CEM ka JHADC hadien wa dep pynman yalang ki hei yatoh wa i pynku bai thaw yaw ka JHADC.

Neiliang ki nongchongyaw kwah ki, wa ki nong synchar ka District Council u pynneh ki da ka warim hi ka bai thaw yaw kawa T. 450 tyngka chisnem ya ki thaw yaw wa lyngkdang (open Stall). Hei yatoh won wa ka bai yaw yong ki dukan RCC neiliang ki nongchong dukan hun hi ki yei pynku na ka T. 750 cha T. 850 tyngka kawa i pynku toh T. 100.

Tangwa hadien wa yoo ka JTTA wa ka JHADC ym ngeit ko u pynneh yei dor warim ki open stall da rai won ka JTTA wa hun hi ki lada pynku ya ka bai thaw chispah tyngka cha ka T.550 na ka T.450.

Da rai yow lai paidbah ynne ka sngi hadien wa ym em ap ka JHADC ya katai ka kyrpad ki wakhayi diewa pynku ya ka bai thaw cha ka T. 900 (T. 700 Bai Thaw + T. 200 Bai stamp) chi snem na ka T. 450 chi snem ya ki chong dai lyngkdang (open stall).

Hei yachem ki dkhot ka JTTA wa u CEM ma Thombor Chiwat da pynsniaw ki cha oo yei eh i khoo yong ki khamtam kiwa chongdai open stall wa syad i bai dai, kamjooh leh ka kudam (go-down) wa da kular u chna leh hadooh katni ym pu em u sdang. Ini waroh pynjoor i lut ya ki wa khayi. I pynkudor ka JHADC pynkhia ko ya kiwa chongdai. Kamjooh leh i duna ha yaw kam ki dooid wa kamjooh ka luti lai wa miat pynchitom bha ko ya ki wa dai wa ki wa thied.

jtta1

Kamtæ da kyrpad yow CEM u dam chwa u khrong ya ka tai ka dor thymme wa T. 900. Neiliang u CEM ong u wa ka rai u pynku bai thaw toh da chim da ka EC wa da i bor yong oo samen ym ye de u pynkylla tangwa hanla kattæ leh ye ka JTTA ye ko u e biang sa chisien i thoh cha ka council deiwa kdaw ya waroh i eh wa chem ki neini i pynku bai thaw.

U CEM ong u wa ka EC u chong pyrkhat biang ko ya ini i pynku bai thaw ha kani ka meeting wa daw man ha kani ka tayaw wa daw wan. Kamjooh neiliang ka JHADC da hun ko u dam chwa u chim yeini pynku bai thaw katwa ym pu dep ka yalang EC.

Yei dor thymme katkam i thmu ka JHADC toh u pynkrehkaam noh nadooh ka 1 traik u Wisu (March).

jtta2

Share this:
Share on Facebook0Tweet about this on TwitterGoogle+0
Advertisement ad1