15 49.0138 8.38624 1 0 4000 1 https://wyrta.com 300 0

I pynkrehkaam yaka NRC chong ko haka sorkar pyrdi: Conrad

0 Comments
Advertisement ad1

Shillong: U Montri Rangbah ka jylla u Conrad K Sangma da ong u wa ka sorkar jylla ym em bor ko iyi iyi leh wow rai hajrong ka National Register of Citizen (NRC) wei chong bait ko ha ka sorkar pyrdi wow rai.

Ya ini u Conrad da ong u hapoh ka yung dorbar ynne ka sngi hawa jubab haka yania hajrong ka phang wa da wanrah da u MLA ka Congress u Mayralborn Syiem hajrong i ktah ka NRC wa da leh ha Assam yaka jylla Meghalaya na i wan tooid kiwa chah beh na Assam. Wei ya ini da chem na i chah ksoh na ki thaaiñ ka Ri-Bhoi, Jaintia Hills wa na kylleiñ ki thaw ka jylla.

U Conrad da ong u wa nadooh wa da kut i booh por ka NRC ha Assam, ka sorkar jylla da chimkhia ko bha ko wow phah ya ka chnat pulit wow sylli bha ya ini ha kylleiñ ka jylla.

Da ong u wa da pynkit ya u IG ki pulit ter ter cha ki SP wa OC wow leh ki ya iwa emkaam deiwa booh ya ki khyrdop wa kyrpang yow pait ya i wan psiah cha ka jylla.

U Conrad da ong u leh wa ka sorkar dang yaleh ko wa kammon wow pynkhlan ya ka aiñ Meghalaya Residents Safety Security Act 2016 (MRSSA) khnang wow khang ya ki bru wa wan psiah pyrchah yaka aiñ wei heijooh i por u pyntikna leh wa ym pynwit ko ya kitu kiwa wan da i yumut wa ka kaam wa sakhiat.

Chwa ya ini, hawa wanrah ya ini, u Mayralbon da pynsñiaw ya i sñiaw syier ya i wan tooid ki bru wa chah beh na Assam hadien wa da kut ka NRC heiwa 19 lak ngut kiwa chah kyntait da kheiñ ya ki kam ki baar ri.

Da e yumut u wa ka sorkar toh u ya krehlang wa ki dorbar chnong, khnang wow ye u yaleh pyrchah  ya ini i wan psiah ki bru nabar.

Kiwi de ki MLA kiwa yachim bynta ha kani ka yatai toh u Dr. Mukul Sangma, u Azad Zaman, u Process T. Sawkmie, ka Ampareen Lyngdoh, u George B Lyngdoh, u S Momin, u Saleng A Sangma wa u Adelbert Nongrum.

0 Comments

Leave a Reply