15 49.0138 8.38624 1 1 4000 1 http://wyrta.com 300 0

Joor ka sahkut kari ha NH6 hadien wa sih ar tylli ki truck ha Wah Mynso

0 Comments

Jowai: U Lakador Syiem, MPS Superintendent of Police West Jaintia Hills District da pynche u yei daw wa sahkut ki kari ha u sarok bah NH 6 nadooh na Wah Mynso cha Ummulong wa na Wah Mynso chadooh Puriang iwa sdang nadooh i step ka 20 tarik uni u bnai.

Katkam wa pyntip u SP, haka 20-04-2019 heipor 8 waje i step ka wi ka truck 18 chaka wa em ya u number PB05AB 7175 wa kit mar Railway da sih ko ha i thaw wa tip kam Wah Mynso. Da phah ya uwa yah kani ka truck wow khut u ya ki truck taan kari yow kyrriah ya kani ka truck wa sih neidaw wa daw wanrah ko yei sahkut kari. Tangwa uwa yah truck da khang chabi u ya ka truck wei da yut u na ini i thaw.

Hadien ini ki pulit da khut ki ya ki truck taan kari tangwa neidaw wa khia ware ko ym ye ki wow kyrriah ka cha rood iwa da wanrah yei sahkut ki kari waroh ka sngi wa da chimkhia ki pulit wow pyllait.

Ha ka jooh biang ka sngi heipor 8 waje i miet da wan sa kawi ka truck 6 chaka kawa jrong wa kit ya ki maar ka Company Maruti Suzuki wa em ya u number WB 23 C 0701, da sih pyn hadien ka truck 18 chaka kawa da sih chwa.

Ini da wanrah chooh chooh ko yei sahkut kari wa joor wei da ye u pynlait kari du chilliang chwa wei ki kari khian wa wan neiliang Shillong wa Jowai da sdang ki wow chim pass iwa da wanrah chooh chooh yei sahkut kari na Wah Mynso cha Ummulong wa na Wah Mynso chadooh Puriang. U SP da pyntip u wa ki pulit da man ko ka kaam wa ngiah bha ya ki wow pynlait kari waroh chi sngi hadooh waroh chi miet na ini i daw.

Haka 21-04-2019 ki pulit da khut biang ki ya ki kari yow kyrriah chwa ya ka truck 6 chaka kawa da ye u taan cha rood sarok iwa da ye wow pynduna yei chah sahkut ki kari.

Tangwa neiliang uwa yah wa u tre ka truck 18 chaka ym pu em wan ki wow chna namo wow taan ya kani ka truck wei da ktah chooh chooh ko neidaw wa em leh boon ki kari wa lai cha ka lympung Lympung ka Seng Khihlang wei em leh kiwi ki truck wa kit ya ki mar wa emkaam wa i yah khlem akor ki bru kiwa chim pass ha i por wa sahkut ki kari iwa pynkhia chooh chooh ya ki pulit kiwa yaleh wow pynlait yei sahkut ki kari.

Hadooh ynne ka sngi u wa yah wa ya ka truck 18 chaka ym pu em wan ki cha kani ka thaw wei da pyntip u SP wa daw pynchitom ya ki tre kini ki ar tylli ki kari katkam ka aiñ.

Da kyntu u leh ya ki paidbah yow man ki kiwa emakor, ym toh u chim pass wei wow bood ya ki kyndon yah kari khamtam ha ki por wa sahkut ki kari yow lait u joor i sahkut wei ki pulit leh emlang ki wow yarap.

Advertisement ad1

0 Comments

Leave a Reply