15 49.0138 8.38624 1 1 4000 1 http://wyrta.com 300

Jop ka Nakasaki waka Real United ha ka Quarter Final ka T20 Cricket Tournament

0 Comments

Jowai: Ka 1st T20 Cricket (Tennis ball) Tournament 2018 wa pyllai da ka Chiruplang Sports & Socio-Cultural Club Jowai, ynne ka sngi ha madan ka Kiang Nangbah Government College Jowai, da pynman ya ki yalehke Quarter Final wa artylli.

Ha ka Quarter Final wa nyngkong wa pynman hapyrdi ka Nakasaki waka Nakisaka, ka Nakasaki da jop ko da 37 Run.

Advertisement ad1

Ka Nakasaki da Bat nyngkong ko wei da kamai ko 199 Run deiwa haap 6 tylli ki Wicket na ki 20 Over.

Ki Batsman ka Nakasaki wa da leh bha toh u Dameyo Passah uwa da kamai u 71 Run, u Da-o-hi Passah uwa kamai 54 Run wa u Edify Patwet uwa kamai 32 Run.

Ki Bowler ka Nakisaka wa da leh bha toh u Rimi Syih uwa da yoh 4 Wickets na ki 4 Over uwa da e 32 Run wa u Yomi Patwet uwa da yoh chi Wicket na ki 4 Over uwa da e 33 Run.

Hawa beh ya ka thong, ka Nakisaka da kamai ko 162 Run deiwa dooh 7 Wicket na ki 20 Over.

Ki Batsman ka Nakisaka wa leh bha toh u Rimi Syih uwa yoh 38 Run khlem haap ka Wicket yong oo, u Ebor Sutnga uwa kamai 31 Run wa u Heisuk Passah uwa kamai 25 Run.

Ki Bowler kiwa da leh bha na ka Nakasaki toh u Heipormi Papeng uwa da yoh 2 Wicket na ki 3 Over wei da e u 16 Run, u Livingstone Bareh uwa yoh 2 Wicket na ki 2 Over wei da e u 25 Run wa u Sokini Bareh uwa da yoh chi Wicket naka chi Over wei da e u 9 Run.

Ha ka Quarter Final wa ar wa pynman hapyrdi ka Real United pyrchah ya ka Storm Smasher, ka Real United da jop ko da 4 Run.

Ka Real United da Bat nyngkong ko wei da kamai ko 167 Run deiwa dooh 9 tylli ki Wicket na ki 20 Over.

Ki Batsman ka Real United kiwa leh bha toh u Marbiangki Bareh uwa da kamai 42 Run, u Dari Passah uwa kamai 39 Run wa u Nishan Laloo uwa kamai 28 Run.

Ki Bowler ka Storm Smasher kiwa leh bha toh u Da-oo Passah uwa da yoh 4 Wicket na ki 4 Over wei da e u 30 Run, u Heisar Bareh uwa da yoh chi Wicket na ki 4 Over uwa da yoh 26 Run wa u Kune Lato uwa da yoh chi Wicket na ki 4 Over wei da e u 24 Run.

Hawa beh ya ka thong ka Storm Smasher da kamai ko 163 Run wei da dooh ko 9 tylli ki Wicket na ki 20 Over.

Ki Batsman wa leh bha toh u Kune Lato uwa da kamai 76 Run wa u Kamwa Laloo uwa da kamai 28 Run.

Ki Bowler kiwa leh bha na ka Real United toh u Chwamiki Paswet uwa da yoh 2 Wicket na ki 4 Over wei da e u 14 Run, u Marshal Pariat uwa yoh 2 Wicket na ki 4 Over uwa da e 34 Run wa u Salim Sangma uwa da yoh chi Wicket na ki 4 Over wei da e u 19 Run.

Ka Quarter Final wow bood u man ko ha ka 5 tarik uni u bnai heipor 12 waje pyrdi sngi hapyrdi ka Rising Star pyrchah ya ka Khliehtyrshi.

Pynman esikai ka MSCW hajrong wa kammon u yada....

Previous

Ujor u kyrtong ka Congress na Mawthadraishan p....

Next

0 Comments

Leave a Reply