15 49.0138 8.38624 1 1 4000 1 http://wyrta.com 300

Jop ka Nakasaki ya ka Moosalyngkat ha ka T20 Cricket Tournament

0 Comments

Jowai: Ha ka yalehke yong ka 1st T20 Cricket (Tennis ball) Tournament 2018 wa pynman da ka Chiruplang Sports & Socio-Cultural Club, Jowai, ynnin ka sngi da pynman ya ka yalehke hapyrdi ka Nakasaki pyrchah ya ka Moosalyngkat.

Ka Nakasaki da Bat nyngkong ko wei da kamai ko ko 172 Run deiwa dooh 8 Wicket na ki 20 Over.

Advertisement ad1

Ki Batsman wa da kamai boon Run ya ka Nakasaki toh u Da-o hi Passah uwa yoh 44 Runs, u Richard Patwet uwa yoh 29 Runs wa u Shlurbha Lakhon uwa yoh 20 Run.

Na ki Bowler ka Moosalangkat, u Wari Dan da yoh u 4 Wicket wei da e u 41 Run na ki 4 Over, u Meru Suchiang won da yoh u 2 Wicket wei da e u 17 Run na ki 4 Over katwa u Lari Rymbai da yoh u chi Wicket deiwa e u 23 Runs na ki 4 Overs.

Ka Moosalyngkat hawa kdong ya ka thong wow jop da ye ko u kamai 147 Run deiwa dooh lut ya ki Wicket ha ka 15.4 Over. Kamtæ ka Nakasaki da jop ko da 25 Run.

Ki Batsman ka Moosalyngkat kiwa da leh bha toh u Dony Suchiang uwa da kamai 88 Runs (Not out) wa u Ksoh Rymbai uwa yoh 22 Run.

Ki Bowler wa da leh bha na ka Nakasaki toh u Nibiangmon Sutnga uwa yoh u 5 Wicket deiwa e 7 Runs na ki 3.4 Over, u Dameyo Passah uwa yoh 3 Wicket wei da e u 41 Run na ki 3 Overs wa u Richard Patwet uwa yoh chi Wicket deiwa e u 18 Run na ki 3 Over.

Samoi San Snem

Previous

Hapoh 180 sngi u wai biang ya u mooyong lada p....

Next

0 Comments

Leave a Reply