Advertisement ad1

Shillong: Uwa yahkhmat ka Congress uwa man leh u MP ha Rajya Sabha u Anand Sharma da pynbaad u wa i yoh laad ka BJP wow wan psiah cha kani ka thaiñ mihsngi kawa kynthup ya ka Meghalaya toh lyngba ka NPP wa ki seiñ ri-loom kam ka UDP.

Hawa klam u wa kiwa pathai khubor ynne ka sngi ha Shillong, u Anand da pynbaad u wa ka NPP wa ka BJP pynleh ki kamwa yakhun ki pyrchah iwi ya iwi tangwa da em i sñiawthooh yumut napoh wei ka UDP ka toh kawa chong pait na rood.

Advertisement ad1

Da ong u wa ha kini ki snem wa synchaar ka BJP, ki paidbah da yachem ki du yei chitom tangwa ym em tang kawi wot leh ka kular ko kawa da ye ko u pynmankaam wei pynboon kaam ko du wow hukum iyi wa ye u baam wa iyi wa ye u sap.

Da ong u wa ki paidbah da sñiawthooh ki wow e ya ka jubab yong ki ha kani ka Election deiwa kyntait chi syndon ya ka BJP wa kiwa yarap ya ka.

Heijooh i por da pynsñiaw u yei skem mynsien wa ki paidbah ka Meghalaya u e biang ki ya i jop ya ka Congress hajrong ki kaam wa bha wa ka leh ko ha kini ki snem wa dadep.

U Anand leh da pdiang u wa em i thut ha ki kaam pynroi ha ka jylla deiwa pynbaad wa ympoi ki cha kani ka jylla wa synchaar da ka Congress katwa ha Delhi won da ka BJP ha kini ki 4 snem duna.

Da ong u leh wa ka Congress daw yoh biang ko wow chna sorkar biang ha u 2019 wei da kdaw u leh yei wanrah ka Congress hapoh ka jylla kam ya ka IIM, ka NEIGHRIMS, ka NEHU, ka NIFT wa kiwi kiwi.

Advertisement ad1