Advertisement ad1

Jowai : Kamwa jooh man khlieh snem ki Pnar wa chong wa sah ha Dima Hasao District ka jylla Assam da pynman ki ya ka Sngi Lumlang kawa jooh pynman ha ka 7 Duyatra.

Kani ka sngi da man ko leh kam ka District Holiday heiwa ki Pnar wa sah ha kani ka District yachemlang ki wow ya tipmit iwi ya iwi, wei ha uni u snem da pynman ya ka ha Umrang Dam (Pan Bagan) Umrangsoo, Dima Hasao District.

Advertisement ad1

Ha uni u snem kani ka yachemlang toh kawa 6 wei da jooh pynman ya kani ka yachemlang ha kiwi ki chnong hapoh ka district ha kini ki snem wa dadep.

U Chairman ka Town Committee ka district u Dorman Enghi da man u kam u kongsan ha kani ka sngi katwa u Rah Enghi won da man u kam u symbood kongsan.

Ha kani ka sngi da pynchongchit ya kani ka yachemlang da ki rwai wa ki chaad wa da pynkhreh da ki Pnar kiwa chong wa sah na ki chnong wa em hapoh ka district.

Ha kani ka yachemlang da yoh yei klam na ki wakreh na ki Unit waphær waphær, kamjooh leh da pynkup burom ya ki khynnah wa pass bha da ka Best Student Of The Year, 2016.

Share this:
Share on Facebook0Tweet about this on TwitterGoogle+0