Advertisement ad1

Jowai: Ha ka yalehke football yong ka Tiger Five ka wa man ynnin ka 4 tarik da yaleh hapyrdi ka Umshangiar SC pyrchah ya ka Visible FC.

Kani ka yaleh da man ko kawa chongchit wei yoosuk u pait heiwa ha ka kylla step waroh ar dhab da yaleh bha ki u pynmih yei sap yalehke yong ki.

Advertisement ad1

Kat hadooh wow poi ka minit wa 10 ka Umshangiar SC da yoh ko u pynkhih ya ka jaar kawa man ka kool wa nyngkong na u Lik Bang wei kani ka kool da neh ko hadooh wa kut ka kylla step.

Katwa ha ka kylla miet yong ka yalehke ka Umshangiar da yoh biang ko u ban ya ka kool wa ar lyngba ka direct kick na u Pynche Tyngkan ha ka minute kawa 18, ya kani ka direct kick da yoh hadien wa da e Red Card ya u kool yong ka Visible neidaw wa pyrchang u wow khanglaad na baar yong ka bynta i thaw ya u wa yalehke ka Umshangiar uwa mut u thap kool.

Hadien kani ka Red Card ki wa yalehke yong ka Visible da neh ki du 4 ngut heiwa ka Umshangiar da yoh laad bha ko wow pynkiñ ya ka bol kat hadooh ka minit kawa 55 heiwa da yoh biang ko wow ban ya ka kool wa le lyngba u Kit Shylla.

Kamtea lyngba kini ki le kool ka Umshangiar da man ko ka wa jop.

Ka yalehke myntu ka 5 tarik heipor 3:30 janmiet u man ko ha pyrdi ka Lumkyrwiang SC pyrchah ya ka Pnar United FC.

Share this:
Share on Facebook0Tweet about this on TwitterGoogle+0
Advertisement ad1