15 49.0138 8.38624 1 1 4000 1 http://wyrta.com 300

Ka yutip wa bniah hajrong i chah tyrrah u pulit Home Guard ynnin i miet

0 Comments

Jowai: Ynnin i miet ka 22 tarik heipor kamwa 08:30 da em i tyrrah kari ha Phramer Traffic Cell, West Jaiñtia Hills hapyrdi ka truck khatar chaka wa em No. NL 01 G6755 wa kawi ka Ford Ecosport wa em No. ML 05L 2178.

Ha ini i tyrrah kani ka kari khian kawa wan neiliang Jowai kawa thmu wow lai cha Jalaphet, EJH da chah tyrrah ko ha kani ka truck wa wan neiliang Ladrymbai.

Ha ini i jia uwi u pulit Home Guard ya uwa kreh ha kani ka Traffic Cell wa tip kam u Apheingait Ymbon uwa em ha luti lai kjat (footpath) haphrang kani ka yung krehkaam da chah tyrrah u wei da pynkit ya oo cha Civil Hospital Ialong heiwa da khlaad noh u ha kani ka thaw sumaar.

Kiwa chong ha kani ka kari khian da mynsoo ki wei da pynkit noh ya ki cha Shillong wow yoh ki yei sumaar, wei ya kiwa mynsoo da tip kam u Wansalanki Syrti, u Romesh Dkhar kiwa na ka chnong Jalaphet, u Ready Sutnga na Jowai, wa u Rebolt Paslein na chnong Mynthlu.

Ya uwa yah ya kani ka truck da tip kam u Standing Sylliang na Umtasar, Ri Bhoi District wei da kem noh ya oo.

Advertisement ad1

Da khang wow wanrah dakha na baar jylla ha ki ....

Previous

Ha ka MSERC ood ki paidbah yei tlot i rukom kr....

Next

0 Comments

Leave a Reply