Ki kaam chah thok hapoh ka jylla

Jowai: Katkam wa pyntip ki pulit, u Sengban K Sangma, District Transport Officer, South West Garo Hills da ujor u ha ka 29 tarik u Naisphar wa uwi u bru wa tip kam u Tisan D Sangma da thied u ya kawi ka thuk thuk wa em ya u number ML-14-2107 kawa em hei pyrtuid u Hosinur Islam, wei da wan u cha ka yung krehkaam u DTO, South West Garo Hills ha Ampati yow pyndait yaka HSRP. Tangwa hadien wa sylli yaka Registration Certificate ka thuk thuk da chem wa man ko kawa thok heiwa da em wa soi thok ya i pyrtuid u DTO.

Haka 23 tarik u Naisaphra, ka Eligious G Momin na Ampati, South West Garo Hills da ujor ko wa em wa phah SMS cha ka wa kam toh naka SBI Ampati Branch (SWGH), wei hadien da em wa phone ka waka ATM ko da chah khang ko (Blocked) wei da kylli yaka chaphang ka ATM ko. Hadien ini da chem ko wa da wiar T. 19,999 wa T. 5,018 naka Account yong ka.

Related posts

Chah dawa poisa uwi uwa na South West Khasi Hills ha ka GNLA-R | Chah kem san ngut deilang uwi u khynnah

November 3, 2025

Suba wa chah tynyap uwi ha Myntkung | Wiar ka kjat tidiang

November 1, 2025

Haka 4 tarik uni u bnai, ka Sonali Ghosh da ujor ko wa nadooh ka July 21 hadooh 29, 2019, kiwa mihkhmat ka Step Global Services da pyntip ki cha ka wa da chah jied ko wow yoh kaam kam ka Marketing Executive lyngba ka Online wei da su ko cha ki T. 1,03,035 hadien chem ko wa da chah thok ko.

Haka 26-08-19 ka Chitra Sangma da ujor ko wa yoh phone ko na ki bru wa ym tipmit heipor 9:22 i step wa kam toh kiwa pait yaki kaam ATM ka Bank wei da kylli ki ya ka chaphang ka ATM yong ka. Hadien ini da chem wa da em wa sai T. 50,000 naka SBI Account yong ka arsien.