Ki kaam tooh kaam lute hapoh ka jylla

Jowai: Katkam wa pyntip ki pulit, haka 2 tarik uni u bnai, hei janmiet da em kiwa psiah tooh chapoh i yung ka Rozy Lyting wa em ha Lawjynriew, Nongthymmai, Shillong wei da tooh ki T. 1,500.

U Abdul Rasid Bepari uwa na Kakripara Natungaon wa em hopoh ka Mankachar PS, Assam da ujor u wa haka chi tarik uni u bnai heipor 5:30 i step, heipor wa oo wa kiwi kiwa emlang wa oo da lai luti ki cha Barengapara Bazar, West Garo Hills District ha kawi ka Auto Rickshaw yow thied kwai, soo ngut ki bru wa kynthup ya u Ribul Miah, u Munnaf Miah, u Nazir Hussain wa uwi wa tip kam u Mozit, kiwa rah ya ka Pistol, da dat da choh ki ki wei da lute ki T. 2,30,000 na uwa ujor wa T. 1 lak na kiwi kiwa lai lai luti lang.

Haka 7 tarik uni u bnai, ka Brio Phawa da ujor ko wa heipor 9:50 i step da yoh yutip ko wa em wa tooh 15 tylli ki masi ko na Riattajaw, Kyndong Tuber, West Jaintia Hills.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Haka miet yong ka jooh ka sngi, da em wa tooh yaka kari Bolero Pick-up ka yong u Kom Dkhar na yung wa sah u wa em ha Jalaphet, Bri-Sutnga, East Jaintia Hills District.

Haka jooh biang ka sngi da em wa tooh yaka Mobile Phone waka poisa wa T. 5,000 napoh ka kari u Amit Kumar Singh, kawa pynyeiñ ha Hotel Pegasus Crown, Police Bazar, Shillong.