Advertisement ad1

 

Jowai: Ki paidbah wa yoh u sakhi ïa ka yakhun yachut bol yong ka Super Division ynne ka sngi da man ki kiwa embhah bha neidaw wa ka ïalehke hapyrdi ka Moosyiem Shangppung SC pyrchah wa ka Chutwakhu da man ko kawa yoosuk hadooh kattæ kattæ hei jooh i por kawa ym ye u mutdur u kut ka yalehke kamwa kut ko ynne.

Ha ka kylla step ka Chutwakhu SC da pynyoo ko ya i sap wa i buit yalehke yong ka deiwa thap ko le kol. Heiwa nyngkong da thap u Samedonhi Rymbai ha ka minit wa 24, ïa ka wa ar da thap u Daniel Gassah ha ka minit wa 30 wei ïa ka wa le da thap da u Toni Talang.  Boon na kiwa wan peitke da yooluti ki u jop suk ka Chutwakhu deiwa daw thap biang ko sa ka wi lane ar tylli ki kool.

Chisien sdang ka kylla miet ki nongyalehke ka Moosyeim da yoh laær ki da kawi wei da sdang ki u su kylliang ïa ka Chutwakhu da ka kool wa ar, yong ki ha ka minit wa 47 ka wa thap biang u Sanki Langstang. Da pynbood wan da u Monjur Niang ha ka minit wa 65 kawa rnygkat wa ki le tylli ki kool yong ka Chutwakhu.

U Monjur Niang ha ka minit wa 75 da pyntam u sa chi kool katwa u Sanki Langstang won da yoh u ïa ka ‘Hat Trick’ deiwa thap u ïa ka kool wa le yong oo ha ka minit wa 90+2 yow e ïa i jop ïa ka Moosyeim Shangpung da 5 kool la 3.

Ha ka yakhun 2nd Division ha pyrdi ka Caroline Colony SC pyrchah ïa ka Nangbah Sports Association, ka Caroline Colony da jop ko da 2 kool la 0. Ïa ki kool da thap da u Deibormitre Dkhar ha ka minit wa 39 wa u Mebanshan Salahe ha ka minit wa 48.

Share this:
Share on Facebook0Tweet about this on TwitterGoogle+0
Advertisement ad1