15 49.0138 8.38624 1 1 4000 1 http://wyrta.com 300 0

Ki yalehke Eastern Conference ka Meghalaya Baby League ynne ka sngi

0 Comments

Shillong: Deiwa chim kabu ya ynne ka sngi chuti, ki 6 tylli ki dhab ka Meghalaya Baby League naka Eastern Conference ka Shillong Centre da pynman ki ya ki yalehke wa yoosuk haka Third Ground, Polo, Shillong.

Kiwa rah lut ya i naam jop ynnin u snem, ka Langsning Greenergy Lions da yachem ko waka Shillong Lajong Coyotes da ka yalehke wa sdang nadooh 8 waje i step heiwa ka Greenergy Lions da jop ki ya waroh 4 tylli ki yalehke yong ki.

Haka kyrdan U-7 wa U-9 ka Langsning da jop ko da 6-0 wa 11-0. Haka U-11, ki Coyotes da tam nyngkong ki da 4-1 tangwa ka Greenergy Lions da jop ko da 5-4. Haka U-12, ka Langsning da jop ko da 5-3.

Da pynbood sa ki yalehke hapyrdi ka Mawkhar Roosters waka Kickstart FCC Rhinos. Ki Rhinos da jop ki ha waroh ki 4 tylli ki yalehke da 2-1 haka U-7, 5-1 (U-9), 2-0 (U-11) wa 9-0 (U-12).

Da pynkut da ki yalehke hapyrdi ka Titan Otters waka Unified Gorkha Gators. Haka U-7 waka U-12 ki yalehke da kut ki khlem em wa jop. Ki Otters da jop ki da 8-0 haka U-9 katwa ki Gators da jop ki haka U-11 da 5-4.

Advertisement ad1

0 Comments

Leave a Reply