15 49.0138 8.38624 1 1 4000 1 http://wyrta.com 300

Kwah ka MDC ka PDF wow takit ka CBI yei pynemkaam u CEM ya ka T. 28 klur wa yoh ka KHADC

0 Comments
Advertisement ad1

Shillong: Ka President yong ka Women’s Wing ka Party PDF ka Grace Mary Kharpuri kawa man leh ka MDC na Nongshken, hadien wa chah pyndam ko kam ka Executive Member ha KHADC, da dawa ko wa toh wow phah takit ha ka CBI hajrong i pynkrehkaam ya ka poisa wa da kynjoh hadooh T. 28 klur kamwa da kam da u CEM ka KHADC, u Pynshngaiñ N Syiem kawa da mang neibynta i pynemkaam ha ka council.

Heijooh i por leh da dawa ko na u CEM wa haap paanmaap u neibhah da phah u ya ka khubor (message) kawa khor ha ka 5 tarik uni u bnai wa thoh u dei ktien pharæng wa ong “Just tell me either you will resign or I shall dropped’.

Advertisement ad1
Advertisement ad1

Ka Grace da ong ko leh wa i phah Message u CEM da ktah ko ya ka kamjooh ya kiwa kyrchaan yong ka.

Da ong ko leh wa da sdang mih i awri awra toh neidaw ka poisa T. 28 klur wa da rai samen u CEM wow pynkrehkaam ya ka wow pynemkaam yow pynyoh nong ya ka Council wei da pynbaad ko leh wa ye u em leh wa leh tooh yow lai kani ka poisa du cha muna poisa uwi donhi u bru.

Da ong ko wa kani ka poisa kawa da e ka sorkar pyrdi kawa toh u pynkrehkaam yow wanrah ya ki kaam pynroi ha ki Constituency wa neibynta i emkaam ki tnat ha KHADC.

Ka MDC da kylli ko leh wa iyi i daw wa u CEM da phah jhan u wow pynbiang ya ki Utilization Certificate du neibynta ka T. 28 klur hawa ka poisa wa da yoh da poi ko T. 33 klur.

 

Rai ka sorkar jylla wow pyrchah yei thmu wow p....

Previous

Lai e yarap ka KSU-MU ya ki manyung wa chah kt....

Next

0 Comments

Leave a Reply