15 49.0138 8.38624 1 1 4000 1 http://wyrta.com 300 0
Advertisement ad1
Advertisement ad1

Kwah ka UDP Mowkaiaw wow thung ya u Nujorki Sungoh kam u Speaker

0 Comments
Advertisement ad1

Jowai: Kiwa kitkaam ka UDP 4-Mowkaiaw Constituency da kyntu ki ya kiwa yahkhmat ka Party wa ki MLA waroh wow e ya ka chuki Lamphang (Speaker) yong ka yung dorbar chna aiñ (Assembly) cha u MLA ka Constituency, u Nujorki Sungoh uwa man leh u khon yong u Mihsalan Suchiang uwa jooh man kam u montri warim ka sorkar jylla.

Ka chnat ka Party na Mowkaiaw da ong ko wa u Nujorki da man u uwa biang ka kyrdan hanlada man u uwa dang jop wot ini wadep wei wa man u u MLA wa yaar i thij i pyrkhat wei ye u wow man uwa jaijai wow kreh salonsar ya waroh ki kaam.

Advertisement ad1

Chooh chooh da ong ko wa u ksoh ya kani ka chuki emkaam da kiwa chemphang wei u Nujorki da em u ya ka kyrdan B.A ya kawa da pyndep u na Shillong College wei ym eh ya oo wow ekti ya kani ka chuki ha oo.

“Katkam i yoo yong i da booh du ya ar ngut kiwa biang wow chim ya kani ka chuki, u Metbah wa u Lahkmen kiwa da jop arsien wa le sien tangwa manda bichaar bha ka kyrdan u Nujorki da biang bha ko wei wei da kyntu ya kiwa yahkhmat ka Party UDP wa ki MLA wow e ya kani ka chuki cha oo”, da ong ka UDP Mowkaiaw.

Da ong leh wa u Mihsalan da jooh man u kam u MDC 20 snem wei kam u MLA 15 snem kamtæ u Nujorki da rap chemphang wei da yoh buit bha u na u pa yong oo.

Advertisement ad1

0 Comments

Leave a Reply