15 49.0138 8.38624 1 0 4000 1 https://wyrta.com 300 0

Kyntait ka sorkar Meghalaya ya i pynbaad ka HNLC wow soohbuit u phah ya ka RAW cha Bangladesh

0 Comments
Advertisement ad1

Shillong: U symbood montri rangbah ka jylla, u Prestone Tynsong da kyntait u ya i chah pynbaad haka Hynniewtrep National Liberation Council (HNLC) wa ka sorkar jylla, ki chipai wa yada khappood (BSF) emkti ki wow yarap u phah ya ki bru yong ka Research and Analysis Wing (RAW) wow krehkaam ha Bangladesh.

Neiliang ka HNLC lyngba ka kyrwoh na u General Secretary cum Publicity Secretary u Sainkupar Nongtraw, da pynbaad ko wa ka sorkar Meghalaya deiwa ya soohbuit lang wa ki BSF da pynemkaam ki ya ki Khasi na ki khappood ka Bangladesh wei kamjooh leh ya ki bru kiwa toh ki paaid Hindu wow man ki kam kiwa pait tooh wei wow e yutip cha ka sorkar ya ki kaam yong ka HNLC ha Bangladesh.

Hawa yaklam wa u Prestone da ong u wa ka sorkar jylla ym tip ko iyi iyi leh chaphang ini i kaam neibhah wa ka RAW ka krehkaam ko hapoh i pait ka sorkar pyrdi ym toh ka sorkar jylla. Da ong u wa ka RAW ym emkaam ko wow wan lyngba ka sorkar Meghalaya, wei ka leh ko ya ki kaam yong ka katkam wa yoo biang ko wow leh.

U Prestone da ong u leh wa ka RAW hapoh i pait ka sorkar pyrdi, ka sorkar Bangladesh wa ka sorkar jylla ym ye ko wow phah wot tang uwi u bru leh neidaw wa man ko ka kaam ka sorkar pyrdi hapoh ka chnat kam ka Foreign Affairs, Defence wa ka Home Ministry.

0 Comments

Leave a Reply