15 49.0138 8.38624 1 1 4000 1 http://wyrta.com 300 0

Kyntait u Syiem ka Hima Nongspung wa e NOC u wow chna sarok ka Assam

0 Comments
Advertisement ad1

Shillong: U Syiem ka Hima Nongspung, u Pa’iem Patrick Syiemiong da kyntait u wa emkti u wow e No Objection Certificate (NOC) neibynta wow chna ya ka sarok hapoh ka Scheme Pradhan Mantri Gram Sadak Yojana (PMGSY) cha u Contractor na Assam wow pynyabi ya ka West Guwahati, Assam wa ka New Balakhawa, Ri-Bhoi District.

Ynnin ka sngi u Symbood Montri Rangbah ka jylla, u Prestone Tynsong da ong u wa katkam ki kot ki sla, toh ka Hima Nongspung kawa da e bor, No objection Certificate wow chna ya ka sarok PMGSY ha katai ka thaw wei man ko ka kaam ka sorkar pyrdi wei ymphær lada chna da ka sorkar Assam neibhah wa man ko neibynta ki paidbah ha ka thaaiñ khappood.

Advertisement ad1

“Nga phylla O wow yoo ya ki khubor wa pynbaad wa e NOC O ya ka Sorkar Assam wow chna ya ka sarok PMGSY ha Balakhawa,” da ong u Syiem ka Hima Nongspung.

Da kyntait u leh deiwa ong wa ymtip u iyi iyi leh hajrong i e NOC neibhah lada wan ki kaam pynroi na Assam namo i seh chrot bordiñ da ujor bait u cha ki bor wa toh u pait tæ kammon u e ya ka NOC hawa pyrchah oo yeini waroh i leh ka sorkar Assam.

Hawa yatoh wa kani ka kaam, u Pa’iem Patrick Syiemiong da pyntip u wa daw khut yaka Executive Committee yong ka Hima Nongspung hadien ka sngi Bibar khnang wow takit bniah kiyi wa e NOC cha ka sorkar Assam neibynta wow chna ya ka sarok na ka Scheme PMGSY.

Da ong chooh chooh u wa heipor wa u MLA ka West Guwahati da phah u da ka dorkhat wow e laad wow chna ya kani ka sarok da pyntip u wut-wut cha u Montri Rangbah wa cha u Deputy Commissioner.

Hajrong i pynbna u Deputy Chief Executive Member ka Khasi Hills Autonomous District Council u Pyniaid Sing Syiem uwa pait leh ya ka chnat Elaka wow khut hajir ya u Syiem ka Hima Nongspung wei ya kiwa yahkhmat yong ka Hima, u Pa’iem Patrick uwa da ong wa hadooh katni ka KHADC ympu e ktien iyi iyi leh yeini i pynbna wa yoo du ha ki kot khubor.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply