Jowai: Ka Jaiñtia Youth Federation-East Jaiñtia Hills (JYF-EJH) ynne da thoh ko cha u Deputy Commissioner ka East Jaiñtia Hills wow booh noh dei por wow chah ya ki truck u lai u wan ki khamtam ki bynta u sarokbah nadooh na Lad Rymbai chadooh Khliehriat.
Ka seiñ da pachat yumut ko wa nadooh 7 waje i step hadooh 11 waje i step ym toh u chah ya ki truck wow lai ki nadooh Lad Rymbai hadooh Khliehriat kamjooh na Khliehriat cha Lad Rymbai, wei nadooh 3:30 nohchariñ ka sngi hadooh 5 waje i janmiet.
Ka seiñ da ong ko wa ha ini ki por toh wa man ko kawa emkaam ki paidbah u lai u wan ki deiwa suk wei lada lailang wa ki truck daw booh ko yei ma khamtam ya ki khynnah wa lai skur wa kiwa lai College.
Ka seiñ da kyntu ko ya u DC wow chimkhia u ya ini neibynta i bha i miat ki paidbah.
Discussion about this post